14 Kasım 2024 yılında Komrat Devlet Universitetindä, her yıl 17 Kasımda kutlanan Halklararası Üürenicilär Gününe adanmış etkinnik düzennendi. Bu annamnı gün, yeni üürenicilär için akademik yolculuun parlak bir başlangıcını göstereräk birlik hem motivasyon atmosferi oluşturdu.
Etkinniin açılışına Komrat Devlet Universiteti Rektoru Doç. Dr. Serghei Zaharia hem Komrat Kasabası Primarı Serghei Anastasov katıldılar hem birinci kurs üürenicilerini bu gözäl yortuylan kutladılar. Adettän, Rektor, universitet yolculuun başlangıcını sembolize edän Bilgi Anatarını birinci kurs üürenicisine verdi hem akademik başarıların önemini urguladı. Bundan kaarä, ilk üürenici dokumenti olan nota kiyatçıkları grupa başkanlarına verildi, bölä her birinci kurs üürenicisi için universitet yaşamasına ilk adım atıldı. Etkinniktä türlü alannarda başarı gösterän üürenicilär ödüllendirildi. En iilär te bu kategoriyalarde ödül aldılar:
- Fakultet hem universitetin sosyal yaşamasında aktiv katılım için;
- Akademik hem araştırma uurda üüsek başarılar için;
- Kultura etkinniklerin organizațiyası hem götürülmesindä aktiv katılım, yaratıcılık hem sanat başarılarının sergilenmesi için;
- Üürenici hem gençlik etkinniklerindä üüsek başarılar alan en ii KDU komandası.
Etkinnik Kultura hem Sanat Bölümündän üürenicilär hem üüretmennär tarafından hazırlandı. Musaafirlerin vardı kolaylıı siiretmää üürenicilerin yaratıcılıklarını, gözal oyunnarını, türkü çalmalarını. KDU Üürenici Topluşu, birinci kurs üürenicileri için Davranmak kurallarını anlatan bir video gösterdi hem şaka formasında sembolik bir lotereya yaptı, angıları programa iilenmäk hem dostluk havası kattı. Bu etkinnik üürenici hem üüretmenneri bir araya getirerek hepsi katılımcılara eni başarılara ulaşma enerjisi verdi!
Etkinliğin video kaydının elektronik bağlantısı: https://youtu.be/BYlqxEKYKX4
