Yanvarın 18-indä 2022 y. Gagauz filologiyası hem istoriyası kafedrasında II-nci ţiklada 0114 Predarea limbii și literaturii găgăuze în instituţiile preuniversitare programada üürenän magistrantlar profesional praktikayı korudular. Profesional praktika sürttü 5 hafta – noyabrinin 15-indän dekabrinin 19-una kadar 2022 y. Praktika bazası oldu 15 üüretim kurumu Gagauziyadan: 6 uşak başçası, 4 gimnaziya, 5 liţey, neredä 16 magistrant üüredici işini götürdü.
Profesional praktika vakıdında magistrantlar oluşturdular kendibaşına pedagogika izmetindä lääzım kompetenţiyaları: urokta kullanmak için uygun material becermää ayırmaa; pedagogika, psihologiya standartlarına görä hem zamandaş didaktika istediklerinä görä türlü formada işi düzmää; yaradıcılık uurunda üüretmäk işini geçirmää; pedagogika proţesindä lingvistika hem literatura materialını bilim temelindä vermää.
Korumakta magistrantlar acıkladılar te bu soruşları: kısadan harakteristika klasa hem üüretim kurumuna, angısında gerceklendi praktika; bir urok proektini korumak (prezentaţiya); kendi didaktika işinä analiz (üüretmäk hem terbietmäk proţesini nicä gecirdi); genel cıkışlar (netürlü bilgileri hem becermekleri kabletti praktika vakıdında).
Pedagogika praktikasında magistrantlar çoktürlü funkţiya tamannadılar: adaptaţiyayı geçtilär, üüretmäk proţesini aktiv götürdülär, terbietmäk proţesini üstünä aldılar, profesional kalitelerini ilerlettilär, kendi profesional becermeklerinä diagnostika yaptılar.
Üüredicilar hem magistrantlar yaptılar bütündän cıkış praktikaya, gecirilmiş işä analiz verildi. Herbir magistrant kompyuter variantında hazırlanmış bir didaktika proektini/videoprezentaţiya komisiya önündä korudu. Acıklayıp praktikada yapılmış işleri, magistrantlar komisiyanın soruşlarına cuvap verdilär.
Praktika öndercileri kafedradan koyuldular doktor, konferenţiar universitar Bankova İ.D., doktor, konferenţiar universitar Çimpoeş L.S.