Oktäbrinin 25-dä 2022-ci yılda Komrat Devlet Universitetindä geçti Bilim-praktika konferenţiyası, angısı gagauz halkının patriotu Mariya Maruneviçin 85-yıldönümünnän   baalı.

Konferenţiyayı Gagauziyanın Bilim-aaraştırma merkezi M.Maruneviç adına  Komrat Devlet Universitetinnän barabar hazırladı.

Mariya Vasilyevna Maruneviç çok kuvet koydu, ki bütün dünnä bilsin, kim gagauzlar, neredä yaşȇȇrlar, kim bizim dedelerimiz h.b. da. O yazdı universitettä üürenän studentlerä deyni ‘Gagauz halkın istoriyası’ disţiplinaya lekţiya kursu. Mariya Vasilyevna etişti 40 yakın bilim işini tipardan çıkarmaa. Onnardan birkaçı: «Поселения, усадьба и жилище гагаузов Южной Бессарабии в XIX – начале XX вв.» (1980), «Социалистические преобразования в быту и культуре гагаузского населения МССР» (1983), «Материальная культура гагаузов (XIX – начало XX вв.)» (1988) h. b. da.

M.Maruneviç KDU-da Cümnä disţiplinaları kafedrası açtı hem dä çok kuvet koydu açılsın Pedagogika kafedrası. Bundan kaarä o KDU-da ‘İstoriya’ hem ‘Jurnalistika’ zanaatlarını açtı.

Mariya Maruneviç tamannadı kendi temel daavasını – gagauzların arasında açtı bilim-aaraştırma meraanı gagauz halkın istoriya problemasına.

Konferenţiyanın katılımcıları Şannı aleyasında M.V.Maruneviç anmak taşına çiçek koydular, üç sekţiyada dokladları okudular, sonunda sertifikat kablettilär.

Mariya Vasilyevnanın topracıı ilin olsun!