Объявления

Gagauz dilindä hem literaturasında Olimpiada

Gagauz filologiya kafedrası bildirer, ani KDU-da 2018 yılda Mayın 3-4-dä gagauz dilindä hem literaturasında Olimpiada geçecek. Bu yarışmak gagauz yazıcısının N.İ.Baboglunun 90-ıncı yıl dönümünnän baalı.

Telif ederiz KDU studentlerini olimpiadada pay alsınnar.

Yarışmak iki nominaţiyada geçecek:

  1. Viktorina N.İ.Baboglunun yaratmalarına görä;
  2. Yaratma ‘Sevdim, severim, sevecäm bu masallı topraa’ (N.İ.Baboglunun peet hem proza yaratmalarına görä).

Olimpiadanın neeti: gençlerin meraklıını gagauz dilinä, literaturasına, istoriyasına, kulturasına, adetlerinä debreştirmää, evlad boyların patriotik duygularını terbietmää.

Yaratmaları gagauz dilindä tiparlanmış hem elektron variantında Mayın 5-dän gagauz filologiya kafedrasında bekleeriz (Этот адрес электронной почты защищён от спам-ботов. У вас должен быть включен JavaScript для просмотра. ).

Mayın 7-8-dä jüri yaratmaları bakacek. Olimpiadanın çıkışları Mayın-14-dä  203 auditoriyada açıklanacek. 

Olimpiadada enseyän studentlär diplom hem baaşış kazanacek.

Lääzımnı informaţiyayı bu telefonda olur annamaa 0 (298) 2-44-06.

İstemeklär

  • Yaratma işi 3-4 sayfadan lääzım olsun;
  • Şrift – Times New Roman, kegl 14, sıra arası 1,5;
  • İlk sayfada yukarda saa tarafından yazınız soyadınızı, fakulteti, grupayı.

Республика Молдова, Комратский Государственый Университет.
г. Комрат, ул. Галацана 17 | e-mail: kdu_91@mail.ru Тел.: +373 298 24345