Gagauz dilindä hem literaturasında Olimpiada
Gagauz filologiya hem istoriya kafedrası bildirer, ani KDU-da 2021 yılda Aprelin 27-dä gagauz dilindä hem literaturasında Olimpiada geçecek. Bu yarışmak gagauz aydınnadıcısının Mihail Çakirin 160-ıncı yıl dönümünnän baalı.
Telif ederiz KDU studentlerini olimpiadada pay alsınnar.
Yarışmak iki nominațiyada geçecek:
- Viktorina Mihail Çakir yaratmalarına görä;
- ESE ‘Gagauz aydınnadıcısının Mihail Çakirin süünmäz şafkı’ (Mihail Çakirin gagauz kulturasında izleri).
Olimpiadanın neeti: gençlerin meraklıını gagauz dilinä, literaturasına, istoriyasına, kulturasına, adetlerinä debreştirmä, evlad boyların patriotik duygularını terbietmää.
Yaratmaları gagauz dilindä tiparlanmış hem elektron variantında Aprelin 27-dä gagauz filologiya hem istoriya kafedrasında bekleeriz (Адрес электронной почты защищен от спам-ботов. Для просмотра адреса в вашем браузере должен быть включен Javascript. ).
Aprelin 28-dä jüri yaratmaları bakacek. Olimpiadanın çıkışları Mayın 4-dä açıklanacek.
Olimpiadada enseyän studentlär diplom hem baaşış kazanacek.
Lääzımnı informațiyaya bu telefonda olur annamaa 0 (298) 2-44-06.
İstemeklär
- Yaratma işi 3-4 sayfadan lääzım olsun;
- Şrift – Times New Roman, kegl 14, sıra arası 1,5;
- İlk sayfada yukarda saa tarafından yazınız soyadınızı, fakulteti, grupayı.