Ekonomika kafedrası

CURAXINA Svetlana

Kafedra başı, ekonomika bilimnerindä doktor, konferenţiar universitar.

 

Kontakt bilgileri:
Adres: Moldova Respublikası, Komrat, Galaţan sokaa, 17
Tel: (+373298) 23980     Fax: (+373298) 23481
E-mail: This email address is being protected from spambots. You need JavaScript enabled to view it., This email address is being protected from spambots. You need JavaScript enabled to view it.

I. MİSİYA

Ekonomika kafedrasının misiyası Moldova Respublikasında ekonomika, menedjment hem marketing uurunda universitet üüretiminin hem bilim aaraştırmalarının üüsek uurunu ilerletmää hem korumaa doorudulmuş. Misiyanın başarılı gerçekleşmesi üüredicilerin bilim topluluunnan verimni işbirliinin ilerletilmesinnän, liţenţiat, magistratura hem doktorantura için işleyen zanaat programalarının uygulanmasınnan hem ilerletilmesinnän belli ediler.

II. GENEL İNFORMAŢİYA

«Ekonomika» kafedrası Gagauz Milli Universitetinnän birdän 1991 yılda kuruldu. O zaman onun adı «Ekonomika hem cümnä-gumanitar disiplinner» kafedrasıydı; kafedranın ilk başı ekonomika doktoru Taushanji K.P. oldu.

Ekonomika kafedrası Universitetin zanaat üüretim programaları (uzmannıklar hem dar uzmannıklar) çerçeväsi içindä ekonomika içerikli disiplinnerin üüredilmesini saalayan başlıca üüretim-bilim bölüklerindän birisidir. Kafedra üüretim proţesinä zamandaş inovaţion üüretim tehnologiyalarını aktiv uygulêêr, bilim aaraştırmalarını yapêr, bilim-pedagogika kadrolarının hazırlanmasını organizaţiyalêêr.

Kafedranın kurulmasına hem ilerlemesinä Moldova Respublikasının bilim adamnarı üüretim hem bilim aaraştırmaları işlerinnän büük zaamet koydular: profesor Orlov S.A., profesor Onofrei A.Z., profesor Parmakli D.M., doţent Aricova Z.N., profesor Levitskaya A.P., doţent Genova S.I.

Kafedra herkerä panayırlarda hem sergilerdä pay alêr. Onnarın arasında «Moldovada yapılmış» milli sergisi, Komrat kasabasında üüretim kuruluşlarının sergi-panayırı, INFOINVENT milli sergisi hem başkaları var.

Kafedra azaları Moldova Respublikasının hem Gagauz Avtonomiyasının öndercilii tarafından çok kerä diplomalarlan ödüllendirildilär hem bölgenin ekonomika ilerlemesinin mehanizmalarını ii etmäk için kuvet organnarınnan aktiv işbirlii yapêrlar.
Kafedranın işindä ön verilen uurannardan birisi Şveţiya, İtaliya, Romıniya, Portugaliya, Franţiya, Sloveniya, Finlandiya, Büük Britaniya, Ukraina, Türkiyä hem Rusiyanın üüsek üüretim kuruluşlarınnan milletlärarası işbirliini kurmak hem genişletmektir.

Kafedranın üüredicilerinä hem studentlerinä dış devletlerdä stajirovka geçmäk kolaylıkları başlıca kafedranın bilim hem üüretim proektlerindä aktiv pay alması sayesinde saalanêr. Bu proektlerin arasında şunları ayırmaa var:

• Inter-university Start-up centers for students innovations development & promotion (2012 - 2015) 530349- TEMPUS FR-JPHES
• Erasmus Mundus Broadening Educational Experiences  (EMBER)
• INNOCENTER inovaţion inkubatorunun altyapısının ilerletilmesi.

Ekonomika kafedrası aşaalıdaki uzmannıklar üzärä mezunnarı hazırlêêr:

I ţikla — liţenţiat:

0413.1 — Biznes hem önetmäk (Business și administrare);
0414.1 — Marketing hem logistika (Marketing și logistică).

II ţikla — magistratura:

041 — İş idaresi (Administrarea afacerilor).

Magistraturada ekonomika hem başka profil uzmannıklarının birinci ţikla mezunnarı üürenmelerini ilerlederlär.

Ekonomika kafedrasının uzmannık hem dar uzmannık mezunnarının ekonomika, önetmäk, marketing hem biznes uurlarında temel bilgileri var.

Mezunnarın zanaat işlerinin obyektleri ekonomika, üretim hem soţial uurlarında türlü kuruluşlardır.

Kafedra studentlerlän bilim işini aktiv yapêr: KDU-nun iniţiativalı gençlik Student Merkezi «SCIM» işleer hem ii sonuçlar gösterer. Kafedranın önemni proektlerinin arasında her yıl İnovaţion biznes fikirleri konkursunun geçirilmesi var. Bu konkurs iniţiativalı studentlerä kendi iş kurmak becerikliklerini ilerletmää kolaylık verer hem studentlerin bölgenin iş adamnarınnan hem potenţial iş vericilerinnän baalantısını saalêêr.