“GAGAUZ DİLİNİ HEM KULTURASINI KORUYABİLECEK SOŢİO-KULTURAL MODEL:Garmonİk İkİ Dİllİlİİn Gagauz Halkı İçİn Bİr Avantaja Dönüştürülmesİ” (MODELGAGAUZ) PROYEKTİ
"Gagauz dilini hem kulturasını koruyacek olan soţio-kultural model: Garmonik iki dilliliin Gagauz halkı için bir avantaja dönüştürülmesi" proyekti, "fikirden uygulamaya" hem "laboratoriyadan topluma" konţeptinda orta-ileri bir uurda olan Gagauz dili hem kulturasının korunması hem geliştirilmesinä inovaţiya hem disiplinalar arası bir yaklaşım uygulamayı neetlener.
Proyekt ilerleyecek 03. 02.2025-31.12.2026.
MODELGAGAUZ proyekti disţiplinalar arası bir yaklaşım kullanêr hem “fikirdän varlaa geçirmeyä” hem “laboratoriyadan topluma” spektorunun orta hem ileri uurda temellener. Girişim, patentli SOYAC modelinin uygulanmasına dayanêr (patent No.202012847, Destek Patent A.Ş. tarafından verilmiştir, 2030 yılına kadar geçerlidir). Proyekt, Gagauz dili hem kulturasının korunması printipina tutunarak SOYAC modelinin pratika uygulamasına önelik olup, Moldova Respublikasının “2030 Üüretimin Gelişimesi Strategiyası” hem Türkiyenin “Onikinci Ekonomika Kalkınma Planı”nnan uyumnu hala getirilärek devletin üüretim politikası kontekstindä aktual hem uygun hala getirilmiştir.
Projenin en önemni neetleri aşaadadır:
-
12 yaşın altındaki Gagauz uşakların arasında, gelecektä üüretim hem karyera beklentilerinin iileştirilmesinä katkıda bulunan uyumnu iki dilliliin yaradılması;
-
Var olan onlayn platformaların ("TATLI DİL", "GÜLLÜ KARANFİLLAN GAGAUZÇA ÜÜRENERİM") yanı sıra kısa videolar hem uşaklarlan reportajlar da olmak üzerä eni içeriklerin geliştirilmesi hem oluşturulması. Bu materiallar, ancak uşaklara diil, ama ana-bobalara da hem toplumun başka kısımnarına da uygun bir YouTube kanalı yardımınnan yaygınlaştırılacaktır;
-
Bilim aaraştırmalarının sonuçlarını içerän broşurların hazırlanılması hem tiparlanması (yılda 4 nomer, her nomer 2.500-3.000 ekzemplyar);
-
Komrat Devlet Universiteti (Moldova Respublikası) hem Türkiyedeki Universitetlerdän (Maltepe hem Trakya) üürenci hem üüretmennär için düzenlenecek olan “Soţial Bilimneri Aaraştırması: partisipativ metodlar hem kalite Metodologiyası” kursunun geçirilmesi. Onlayn derslerin videoları MODELGAGAUZ YouTube kanalında yer alacek;
-
"Benim İstanbulum" foto proyektinin Gagauziyada Hederlez yortusunda geçirilmesi. Katılımcıların çalışmaları bir foto albomunda yayınnanacek hem Moldova Respublikasının hem Türkiyedeki üniversitelerindä sergilenecek;
-
Trakya Universiteti Günebakan Radiosunnan ortak radio programaları, proyekt için işidennerin sayısını zeedeletmää izin verecek.
Proyektä, Komrat Devlet Universiteti (Moldova Respublikası), Maltepe Universiteti (Türkiye Respublikası), Trakya Universiteti (Türkiye Respublikası), Sokak uşakları için uygulamalı üüretim merkezi (SOYAC) (Türkiye Respublikası) gibi öndä gilän üniversiteleri hem aaraştırma merkezleri katılêr.
MODELGAGAUZ proyektinin büdceti 965,0 bin leidir.
MODELGAGAUZ proyektinin Komrat Devlet Universiteti tarafının koordinatoru filologiya bilimenri doktoru, üüretim azası Güllü KARANFİLdir.