Rektorun müracaatı
Saygılı kolegalar, paalı dostlar! Sizi bizim sitemizdä selämnemää sevinärim www//kdu.md, angısı Komrat Devlet Universitetinä (KDU) adanmış. Bizim universiteti dooru olarak Gagauziya ATB regionun üüsek üüretim merkezi diyä adlandıra biliriz, angısı bilimin, üüretimin hem kultura merkezi olmaa çağrılmış. Bugün KDU, avtoritetli klasik universitetin üüsek tradițiyalarını korumasına dayanıp, dünnä bilim-üüretim alanına girer. Biz ölä vakıtta yașeerız, angısında profesional efektivliin baş kriteriyaları hem cümiyetin temel organizațiya prințipleri köklüän değișeer. Zamandaş üüretimin baş strategiya resursu, üüretim proțesindä çalışan pedagogların innovațion yaradıcı potențialı olêr. Ülkädän hem dışardan farklı universitetlärın akademik personalının katılmasınnan bilim konferențiyaların, simpoziumların hem yuvarlak masaların organizatsiyası sistemalı iş oldu; angıların amacı — bilim hem araștırma tecrübesinin paylaşılması için platforma yaratmaa, bu da geliräk büük bilim proektleri hem araștırmalar için start meydanı olacek; bilim-üüretim potențialının hem alanının, onun gorizontlarının genișlemesinä yardımcı olmaa; araştırmacıları hem bilim adamlarını en önemli moderni perspektivaları konuşmaa hem araștırmannarın farklı alanları için eni çözüm yollarını aramaa için birleștirmää.
Saygılı kolegalar! Komrat Devlet Universiteti bügün — Gagauziya ATB ilerlemesinin baş dayanaklarından birisi. Universitet biliminnän hem üüretiminnän gelișmesi bölgemizin prioritetlerinnän hepä daa sıkı baalanêr, şunlar: KDU bazasında bütün region için IT Hub açılışı, KDU'yu bitirän kadrolar tarafından eni moderni işletmelerin açılışı, Gagauziya üüretim kurumlarında KDU mezunnarı tarafından moderni üüretim tehnologiyaların kullanılması, yerli public administratțiya organnarı için kadroların hazırlanması hem başka işler. Bölä, 30 yıllık tecrübeli universitetimizdä klasik universitetlerin tradicilerine sadık kalmak hem üüretimä hem dä bilim faaliyetinä eni yaklaşımnar tam olarak biribirinnän uyașeer. Bizimdä moderni standartlara esaslanan çok basamaklı üüretim sistemi başarıylan gerçekleşer; lițențiat hem masterat hazırlama dalları her yıl talep edilän eni üüretim programnarınnan tamamlanêr. Şindiki vakıtta universitetin kolektivi kendi profețional-pedagogika faaliyetindä eni sınırlara çıkêr, angısını gelișmä dinamizması, yaratıcı arama hem studentlarda okumușluk, kultura, lääp da zengin manevi dünnä hem üüsek kompetențiya seviyesinin şekillenmesi beliler. Hazırlamanın geniș dalları hem kapılmış becerilär mezunnara iş faaliyetindä devamlı gelișmää, lääp da lüzüm olsa, yakın ihtisasları da benimsemää imkân verer. Biz bügün cesaretlä diyä biliriz ki, KDU'da dual üüretim başarıylan gerçekleşer. Bugünkü gündä yüksük kvalifikalı uzmanların hazırlanması — ayrı bir üüretim kurumunnan däil, lääp büütün milli üüretim sisteminin vazifesidir. Hem bu mesedä Komrat Devlet Universiteti — Gagauziyanın üüretim, bilim hem kultura merkezi olarak — zamandaş gençlerin bilim-üüretim potențialını birleștirmää için bütün ön koşulları yaratêr, fikir, tecrübe hem karşılıklı işbirlii paylaşılması için biricik alanı șekillendirer. Bu kontekstä, Komrat Devlet Universitetindä organize edilän bilim etkinniklär, Moldovada yașayan halkların istoriya yolunu aramaya hem moderni genç neslin manevi-ahlaki terbiyasın iyi tradicilerini korumaya yönlennän bilimin, üüretimin hem araștırmaların integratsiyasına yardımcı olêrlar. Bu, lääp kendilerini ispat etmiş hem gelișän bilim adamları için son derece önemli, hem daa önemli — genç bilim adamları hem studentlar için. Bügün KDU ülkemizin üüretim kurumnarı arasında öncü pozițiyaları tutêr hem universitetlär arasında saygılı reytingä saiptir. Universitetimizdä diişän dünnädä çağın ruhuna uygun, bundan daa ileri dinamik hem dengeli gelișmesini temin etmäk için büük intellektual, organizasion hem kultura potențialı birikmiș. Üüredicilerin hem studentların deyișmesi hem mobilitet için farklı halklararası programnar başarıylan gerçekleşer. Halklararası merkezlar başarıylan işlemektä, bu da bizim universitetimizi moderni hem ișbirliinä açık kılêr. Bizim universitetin bilim adamlarının katkılı olduu akademik diişim programnarı, farklı alanlarda hem faaliyet sahelerindä en iyi praktikaların paylaşılmasını içererlär. Bu — üüretim, bilim hem kultura sistemindä zamandaş trendlerin problemalarının çözülmesinin hem pozitiv gelișmesinin teminatıdır.