İyun ayın 10-da 2023-cü yılda gagauz yazıcısı, istorik, jurnalist, ‘Sabaa yıldız’ hem ‘Güneşçik’ jurnalların baş redaktoru, istoriya bilgilerindä doktoru, M.V.Maruneviç adına Bilim-aaraştırma merkezinin istoriya hem etnografiya bölümü başı Stepan Bulgara 70 yıl tamannadı.
Stepan Stepanoviç 1953-cü yıld duudu Vinogradovka küüyündä Bolgrad dolayında Ukrainada. 1977-ci yılda askerdän sora Kişinöv Devlet Universitetindä istoriya fakultetindä çeketti üürenmää. Orada seftä gagauzların etnografiyasını çeketti aaraştırmaa, rus etnografı Valentin Moşkovun bilim işlerini dä üürenärdi h.b. da. Universitettä S.Bulgarın üüredicisiydi Stepan Kuroglu. 80-ci yıllarada Stepan Bulgar Moldova yazıcısı Birliindä gagauz bölümün başıydı. Ozaman o çok gagauz anılmış yazıcılarınnan buluşardı – Dionis Tanasoglu, Nikolay Baboglu, Stepan Kuroglu, Petri Çebotar hem başka yazıcılarınnan tanıştı. Stepan Stepanoviç gagauzların istoriyası, etnografiyası, kulturası için material toplardı. Çok statya, kiyat bu temaya tipardan çıkardı. Bundan kaarä Stepan Bulgar çok annatma yazdı, gagauz folklorunu toplardı.
Yazıcının ilk anatma toplumu ‘Can pazarı’ 1988-cı yılda tipardan çıktı. S.Bulgarın yaratmaları üürenmäk kiyatlarına da girdilär. 1996-cı yılda o çeketti tipardan çıkarmaa gagauz dilindä ‘Sabaa yıldızı’ jurnalı ‘Güneşçik’ uşaklara deyni jurnalınnan eklenti gibi. 1988-ci yılda politikaya girdi. ‘Gagauz halkı’ gagauz halk akıntısını dostlarınnan kurdu.
Stepan Bulgar çok kiyat tipardan çıkardı: «Dev adamın oolu. Masallar.» (1990), «Canavar yortuları» (1990), «Гагаузские судьбы. 200 лет истории» (2003), «Veysel Arseven (Vasiliy Öküzçü) 1919-1977» (2004), «История города Комрата» (2004), «Страницы истории и литературы гагаузов XIX-нач. XX вв.» (2005), «История и культура гагаузов» (2006), «История и культура гагаузов» (2010), «Страницы истории г.Вулканешты» (2010), «Виноградовка (Курчи): история села (1811-2011)» (2011), «Gagauz ustası» (2013), «Участие гагаузов в Великой Отечественной войне 1941-1945 гг.» (2014), «Гагаузский народ в великой отечественной войне 1944-1945 гг.» (2015), «Gagauzların istoriyası, kulturası hem adetleri için annatmalar» (2015), «Гагаузская элита Бессарабии. Конец ХIХ-ХХ вв.» (2016), «История родного края: Буджак, Гагаузия. Древнейшая история Буджака. Учебное пособие для учащихся и преподавателей» (2017), «Национальная одежда гагаузов: традиции и современность» (2018), «Гагаузские школы в Молдавской ССР в 1957-1961 гг.: истоия и документы» (2019), «Арабаджи Василий Петрович - дипломат, ученый - тюрколог, борец за права гагаузского народа» (2019), «Кодекс чести гагаузов - правила жизни, основанные на обычаях и древних культурных традициях народа» (2019), «100-cü yıldönümünä Veysel Arseven (Vasili Öküzҫü)» (2020), «Gagauzların istoriyası orta asirlerdän büünkü günä kadar» (2021), «Neredä kuş uçȇr hem canavar gezer... (Uşaklara masallar)» (2019), «История гагаузов с периода средневековья до настоящего времени» (2022), «По следам экспедиции В.А.Мошкова к гагаузам на Балканы в 1903 году» (2022), «Комратское восстание и роль интеллигенции в революционных событиях 1905-1906 гг.» (2022), «Gagauz halkının istoriyası, kulturası hem adetleri. 6 klas.» (2022), «Gagauz halkının istoriyası, kulturası hem adetleri. 9 klas.» M.Kopuşuylan barabar (2022) h.b.
Kutlȇȇrız Stapan Stepanoviç Bulgarı 70-ci yıl dönümünnän!
Uzun ömür, ii başarılar dileriz!
Gagauz filologiyası hem istoriya kafedrası
