Komrat Devlet Univesitetindä (2025-2026 üürenmäk yılına) kabledilmiş bilim çalışması planına görä Millet kulturası fakultetindä noyabrinin 7-sindä 2025-tä V-inci Halklar arası bilim-praktika konferenţiyası «Bilim-üüretim alanı: reallık hem üüretim kalitesini üüseltmäk perspektivaları» geçti. Konferenţiya programasına görä katılannar 6 sekţiyada çalıştı.SEKȚIYA 3. GAGAUZ FİLOLOGİYASI. TÜRK DİLİ HEM EDEBİYATI (moderatorlar – Doç. Dr. BANCOVA İvanna, dr. lector univ. BURCU Yımaz Çebin) topladı 8 kişi, ani aaraştırma temaları gagauz filologiyasına hem türk dili hem literaturası soruşlarına baalı. Dokladların avtorları doktorlar, universitet lektorları, doktora üürenicileri, gagauz dili üüredicileri şkolalarda hem uşak başçalarında. Aniki taa uygun hem yakışıklı olsun katılannara, sekţiya çalıştı karışık formatta – oflayn da, onlain da.
Dokladların tematikası kaplȇȇr en aktual soruşları gagauz dili hem türk dili metodikasında: yabancı dil üüretmesi metodları, bütünneşik üüretim uşak başçasında, information kolaylıkların eri üüretim proţesindä, gagauz dilindä etnokultura kompetenţiyalarını oluşturmak hem taa başka.
Teoretik lingvistikadan aktual hem önemni temayı «Slav dillerinin gagauz dilinin sözvarlığı üzerindeki etkisinin ültürdilbilimsel yönleri» gösterdi sesleyicilerä Azerbaycandan Mirzəyeva Aygül, doktora Öğrencisi, Azerbaycan Milli Bilimler Akademisi Şarkiyat Enstitüsü.
Sekţiya çalışması vakıdında belli oldu, ani universitet öncesi üüretim kurumnarında gagauz dilini üüretmäk hem üürenmäk hep ölä aktual, nica ileri. Bu aspekttän problemaları açıkladılar uşak başçasında çalışan üüredicilär hem terbiedicilär: Garçeva Mariya, terbiedici-üüredici gagauz dilindä, II didaktika kategoriyası, EÜK ‘Dostluk’, Çöşmäküü, MR, «Bütünneșik zanaatları kullanılmasının maanası hem aktuallıı»; Demirbag Snejana, Master în științe pedagogice, profesor de limba gagauză, Grad didactic II, Metodist, Instituția de învățământ preșcolar nr. 1, Ceadîr-Lunga, RM, «Întegrarea patrimoniului etnocultural și folcloric al găgăuziei în educația preșcolară prin intermediul mediului informațional-educațional»; Dragni Evdokiya, terbiedici-üüredici gagauz dilindä, II didaktika kategoriyasî, 5-ci EÜK ‘Родничок’, mun. Comrat, MR, «Оkul öncesi uşaklarda gagauz kultura elementlerinä saygı duymak kompetenţiyasının kurması türlü uuraşımda»; Duleva Praskovya, terbiedici-üüredici gagauz dilindä, 1-ci EÜK ‘Василек’, mun. Çadîr-Lunga, Mutaf Galina, doktor, üüretmen, KDU, MR, «Оkul öncesi uşaklarda sözün hem fikirlemenin baalantısı»; Madjar Svetlana, terbiedici-üüredici gagauz dilindä, II didaktika kategoriyasî, EÜK ‘Dostluk’, Çöşmäküü, MR, «Аna dilinin üüredilmesi fizika terbietmesi derslerindä». Türkiyedän üüretmennär dä açıkladılar kendi aaraştırmakları - Candan Varol, Ayşegül, lector, Sakarya University, Varol Furkan, lector, Sakarya University, Türkiye «Yabanci dil olarak türkçe öğretiminde eylem odakli yaklaşima göre hazirlanan konuşma etkinlikleri»; Kaşıkçı, Evrim, Dr., Trakya Üniversitesi Balkan Aarsaştîrma Enstitüsü, Edirne, Turkiye «Kalip ezgili maniler": edirne'den yunanistan kumçiftliği (orestiada)'ne göç eden gagauzlarda sözlü mirasin ve kültürel sürekliliğin izleri».
Oturuşa katıldı 8 kişi, oldu aktiv diskusiya hem çok eni aşıklamalar. Doklad söleyän avtorlar hesapaldılar, ani ileri dooru gagauz dilinin ilerlemesi hem gelişmesi için çok işlär taa lääzım tamannansın: didaktika materialları eterli olsun, sözlük hem resim etişsin uşaklara.
Sekţiyacılar şükür ettilär Komrat Devlet Universitetini bölä düzenni hem uygun geçirilmiş konferenţiya için, neredä oldu kolaylık serbest sözleşmää, diskusiya yapmaa, bilim aararştırıcıların her taraftan bakışlarını işitmää. 3-üncü sekţiyaya 3 devlet temsilcileri, bilim aaraştırıcılar katıldı – Azerbaycan, Türkiye, Moldova.
Sekţiya moderatorları:
Doç. Dr. BANCOVA İvanna,
dr. lector univ. BURCU Yımaz Çebin,
