Moldova’da yürütülän halklararası "REFLECT Faza II – Eşite Eşit Sistemi Üzerindän Kaliteli Üüretim" proektinin neetlerinä ulaşmaa deyni, Çiçek ayının 24 ve 25-indä proektin çalışma grubunda yer alan üüretmenner tarafından Komrat Devlet Universitetindä pedagogika dersleri verän hem/yada pedagogika praktikalarında yardımcı olan üüretmennerlen bir seminar-praktika düzennendi.

Seminara katılacak üüretmennere ilkin kayıt yaptırmaları nasaatlandı, bunun yardımınnan yaklaşan seminerların neetleri için ön bilgi alındı.

İki gün sürän seminar boyunca katılımcılar, Reflect metodologiyasının üç temel basamaana dayanan temel fikirlerinnän tanıştırılmışlar: ön görüşme hem hazırlık, üüretim etkinniklerin izlenmesi hem sorasında geri bildirim süreci. Her katılımcıya, Reflect metodologiyasının ana taraflarını içerän birär metodik kılavuz seti sunuldu.

Seminarlarda sunulan praktikalı görevler arasında, notlandırma yapılmadan gözlem yapmanın özelliklerini pekiştirmek hem tartışmak needinnän bir video dersin izlenmesi hem analiz edilmesi, bir dersin parçasının doorudan gözlemlenmesi yer aldı. Katılımcılara Reflect fikirlerinin proekt grupası tarafından uygulanması için  deneyimler dä sunuldu. Seminarlara milli uurda proekt öndercisi Saygılı Marin Dolința da katıldı.

Proektin ana needinin üüretim sistemasında geri bildirim kulturasının kaavileştirilmesi olduunu hatırlatmaa isteeriz. Proekt, üüretmennerin büütülmesi hem çalışma gelişimlerinin desteklenmesi, notlandırmasız gözleme dayalı üüretim buluşmalarının organize edilmesi hem proekt fikirlerinin didaktik derslerin yapısına entegre edilmesine odaklanmaktadır.

Proekt ortakları arasında Moldova’nın önde gelän universitetlerinnän Zürih Pedagogika Universiteti yer almakta olup, bu da halklararası deneyime açıklıın bir göstergesidir.

Hazırlayan: Doç. Dr. O.V. Curteva, proekt koordinatoru