Mardın 27-dä 2018 yılda KDU-da ‘Gagauz dili hem kulturası merkezindä’ seminar-buluşmak ‘Gagauz karıların Pelageya Filioglu hem Alöna Ergoglo yaratması’ geçti.
Seminarda pay aldılar millet kultura fakultetin dekanı L.İbrişim, gagauz fşlologiya kafedrasından üüretmennär, KDU biblioteka zaametçiler, D.Kara Çobanın adına Millet istoriya hem etnografiya muzeyindän (Beşalma küüyü) işçilär, üüretmennär, studentlär (J-16, NDP-15, PO-17, AA-17, AİM-17, ATPP-17).
Marina Manastırlı hem Maya Trandafilova (gr.J-16) yazıcıların yaratmak yolunu açıkladılar. Pelageya Mihaylovna okudu studentlerä tiparlanmadık şiirleri, bir gagauz adeti ‘Gelini kavramak’ videoda gösterdi. Alöna Mihaylovna eni kiyadından ‘Otur, lafedelim’ peetlerini okudu. Doktor, konferenţiar Bankova İ.D., bu kiyadın redaktoru, söz aldı. O okudu A.Ergoglonun beendii şiirini.
Yzıcıların hem studentlerin arasında dialog kuruldu. Poetesalar meraklı soruşlara cuvap ettilär. Bölä buluşmaklar gagauz literaturasını üürenmektä havezini kaldırȇrlar.
Umutlanȇrız, ani bu talantlı karılar sevindereceklär bizi eni meraklı yaratmalarınnan.
