Dekabrinin 1-ndä Komrat Devlet Universitetindä ‘Gagauziya: dil, istoriya, kultura’ I Halkararası bilim -praktika konferențiYASI geçti. Bu konferențiya adandı Gagauzça-rusça-moldovanca akademik laflıın tiparlanmasının 50-ci yılına. Konferențiyaya Ukrainadan, Türkiyedän, Azerbaycandan, Özbekistandan, Amerikadan, Angliyadan hem Moldovadan tanınmış gagauzologlar katıldı. 56 doklad okundu. Aşırıdan katılan bilimcilär onlayn olarak katıldı.

Konferentiyanın neeti: toplamaa bireri gagauzologları da gagauz biliminä yapılmış hem yapılabilecek katkılar için lafetmää, dilin hem kulturanın dooru şekildä aaraştırılması hem ilerlemesi için dooru yolları belirlemää.

Toplantıyı  orgkomitetinin başı Güllü Karanfil götürdü. Konferențiyanın açılışında KDUnin rektoru Sergey Zahariya dilin hem gagauzluun önemi için lafetti, studentlerä hem bilimcilerä danıştı. Gagauz filologiyası hem istoriya kafedrasının başı Galina Mutaf Gagauzça-rusça- moldovanca laflıın önemi için söledi.  

Konferențiyanın plenar oturuşunda Türkiyenin Erciyes Universitesinin Prof.Dr. Nevzat Özkan açtı.  Professor gagauz dilinin laf varlıı için annattı. 

Çay arasından sora konferențiya 3 sekțiyada ilerledi: 1.Filologiya; 2. İstoriya, kultura, etnografiya. Regional çalışmalar; 3. Kultura, İncä zanaat hem didaktika.  Sektiyalarda iş dartışmalarılan dostluk hem bilim atmosferasında geçti. Sekțiya çalışmalarının sonunda rezolüțiya kabul edildi.. Sonuda katılımcılara katılım sertifikatı verildi.

İnformațiya hazırladı:  Güllü Karanfil