Mart ayın 14-dä 2024 yılda Pötr Draganovun adına Gagauziya merkez bibliotekasında millet kultura fakultetindä AN-23 grupada üürenän studentlär «Gagauz dili hem kulturası» disţiplinanın kurikulumuna görä (üüretmen - doktor Mutaf G..N.) literaturayı hem incäzanaatı sevän insannarın Klubunun açılışında pay aldılar.
Açılışta katıldılar Gagauz yazıcılar Birliin azaları: Konstantin Kurdoglo, Todur Marinoglu, İvan Milev, Anjela Mutkoglo, Besarabkadan peetçi Mariya Stefandriya.
Katılımcılar büük meraklan sesledilär yazıcıların şiirlerini, studentlär dä gagauz peetçilerinin birkaç şiir okudu. Literatura klubunda yazıcılarlan, peetçilärlän, resimcilärlän, muzıkacılarlan buluşmaklar geçecek.
Yazıcılar Birliin başı Konstantin Kurdoglo teklif etti gençleri gelmää bu kluba, şiirleri hem annatmaları gagauz dilindä denemää yazmaa hem dä eni yaratmaları «Gagauz yazıcılar Birlii» jurnalında tiparlamaa.
Saa ol biblioteka zaamerçilerinä teklif için!
Bibliotekadan sora studentlär üüretmennän barabar Gagauz resim gelereysına girdilär.
