Komrat Devlet Universiteti barabar Gagauziyanın M. Maruneviç adına Bilim aaraştırma merkezinnän plannadılar Avtonomiyanın şkolacılarınnan hem gagauz dili üüredicilerinnän toplanıp-buluşma, aniki Pokrobskaya L. A-nın gerää gibi yaptıkları için bilgileri publikaya annadıp-etiştirmää hem türkologun gagauz dili yazısını kurmakta, dilin gramatika düzenini yazdırmakta hem ilerletmektä Canabisinin büük leptasını açıklamaa.

Lektorlar, filologiya doktoru, gagauz filologiyası kafedrasında universitet konferenţiarı Bankova İ. D., hem İrina Rişilän, Bilim aaraştırması merkezindä bilim zaametçisi,  annattılar sesleyicilerä interes haberleri Pokrovskaya L. A-nın Moldaviyaya gelmesi için, bilim aaraştırma zaametini açıkladılar hem gagauz halkına onun büük önemni izmetini gösterdilär.

Mardın 26-sında 2025 y. lektorlar Açık lekţiya yaptılar hem prezentaţiya gösterdilär «Pokrovskaya L. A. gagauz dilinin bilim gramatikasının temelcisiydir» Çeşmä küüyün Teoretika liţeyindä üürenän büük klaslardan şkolacılara.

Mardın 27-sindä 2025 y. lektorlar Açık lekţiya oldu hem «Pokrovskaya L. A. gagauz dilinin bilim gramatikasının temelcisiydir» prezentaţiyası gösterildi Dezgincä küüyün Gimnaziyasında üürenicilerä.

Çeşmä küüyün Teoretika liţeyin hem Dezgincä küüyün Gimnaziya administraţiyaları tuz-ekmeklän hem sıcak üreklän karşıladılar lektorları, büük merak ettilär türkologun yaşaması için hem aaraştırmaları için. Gagauz dili üüredicileri hem şkolacılar okadar interes duydular, ani kararladılar aaraştırmaa, nezaman Pokrovskaya L. A. geldi onnarın küüyüna (Çeşmä küüyünä  hem Dezginceyä), kiminnän buluştu hem nelär yazdı.

Bu buluşmak üzerinä M. Maruneviç adına Bilim aaraştırma merkezi baaşladı üüretim kurumnarına «Gagauzologiya» seriyasından bir komplekt kiyat.