İyun ayın 4-dä gagauz filologiyası hem istoriya kafedrasında 011 Pedagogika bilimneri. Universitet öncesi okullarında gagauz dili hem literatura üüretimi programasında üürenän studentlär magisterlik işlerini korudular.

12 student üüretim programasını geçti, padagogika praktikasını ii korudu, kafedra azalarının önünda kendi magisterlik işlerinin ön savunması  başarılı geçti hem Devlet komisiyanın önündä disertaţiyasını korumak üzerä kabul edildi.

Magisterlik işleri KDU-da tezlerin yazmak hem korumak reglamentinä görä  yazıldı hem ‘Antiplagiat’ programasını başarılı geçti. Devlet komisyasına girdi üüsek kategoriyaylan gagauz dili hem literatura üüredicilär, üüretmennär.

Devlet komisiyanın başı disertaţiyaların aktuallıını belli etti. Teoriyada hem metodikada studentlär üüsek uurda bilgilerini gösterdilär. Onnar zengin material topladılar, eni bilim kaynaklarını hem informaţion tehnologiyalarını kullandılar, sonuçları bilim uurunda dooru açıkladılar.

Devlet komisiyasının azaları üüsek uurada notaladılar studentlerin bilgilerini. Magisterlik işlerindän materialı Gagauziya üüredicileri kendi praktikasında var nicä kullansınnar.