Pedagogika hem Psihologiya kafedrasının iş planına görä, 7 mart 2026 tarihinde „Pedagogika spetsialitetlerinin studentlarının bilim-araştırma hem projekt faaliyetinin organizatsiyası“ temasında bir krug stolu geçirildi.
Toplantının organizatorları Pedagogika hem Psihologiya kafedrasının öğreticileri oldular: Curteva Oxana, doktor, konferentsiar; Tcaci Liubov, doktor, konferentsiar Galina Levinti, asistent.
Krug stolunun işindä MOM-25 hem MNO-25 gruppalarının birinci kurs magistrantları pay aldılar.
Toplantı sırasında studentların bilim-araştırma hem projekt faaliyetinin organizatsiyasına ait aktual meseleler, bu faaliyetin gelecektä pedagogların profesional kompetentsiyalarını kurmada rolu, hem da magistrantların araştırma projektlerini gerçekleştirmää deneyimi konuşuldu.
Özel dikkat verildi:
- bilim-araştırma faaliyetinin ögrenim programalarının önemli bir komponenti olmasına;
- studentlarda araştırma hem analitik becerilerinin gelişmesine;
- magistratura seviyesinde bilim işinin organizatsiyası konusunda deneyim paylaşmasına.
Krug stolu çerçevesindä iştirakçılar dokladlar sundular, studentların bilim faaliyetinin pratik taraflarını tartıştılar hem ögrenim prosesindä araştırma hem projekt faaliyetini genişletmää imkanları üzerine fikir alışverişi yaptılar.
Böle etkinlikler studentların bilim kulturunun gelişmesine, profesional düşüncenin formalaşmasına hem magistrantların araştırma faaliyetine aktif katılmasına katkı yapar.
Publikatsiya: Kurteva O.V., doktor, konferentsiar.
