17 sentäbri 2026-cı yılda Komrat Devlet Universitetindä studentlerin hem üüredicilerin Moldovadakı Germaniya Akademik Almaş Hizmetin (DAAD) temsilcisi Dr. Josef Sallanz-lan buluşması oldu.
Buluşmada pay alannar Germaniyada üürenmäk, bilim araştırmaları hem akademik almaş için bilgi edindilär. Ayrıca dikkat studentler, mezunnar, genç araştırmacılar hem üüsek üüretim kuruluşların üüredicileri için aktual DAAD stipendiya programalarına verildi.
Dr. Josef Sallanz programaların temel yönlerini tanıttı: yaz dil kursları, magistr stipendiyaları, araştırma grantları hem bilim stajirovkaları.
Pay alannar katılma şartlarını, nemţe dilindä bilgi talaplarını, zaavka vermäk srokularını hem programalara registratiya düzennini dä üürendilär.
Bölä buluşmalar Komrat Devlet Universitetinin studentlerinä hem araştırmacılarına DAAD temsilcisindän doorudan aktual bilgi almaa hem Germaniyada akademik mobillik hem profesional ilerlemäk fırsatlarını tanımaa yardımcı olêr.
Buluşmanın sonunda pay alannar meraklı soruşlarını sorup, stipendiya programalarına katılmak için ek açıklamalar alabildilär.
Kontaktlar hem ek bilgi
Stipendiyalar hem zaavka srokuları için detalli bilgi www.daad.de saytında var. Kişisel konsultatiya DAAD lektorundan alınabilir:
İon Kryangä adına Devlet Pedagogika Universiteti
Yabancı Diller hem Yabancı Literatura Fakulteti
Nemţe Filologiyası Kafedrası
İon Kryangä sok. 1, blok 1, kat 8, kab. 713
2069 Kişinöv
This email address is being protected from spambots. You need JavaScript enabled to view it.
Facebook: @daad.moldova
Konsultatiya saatları — salı günü, saat 11:00–13:00
