Oktäbrinin 17-sindä 2024y. KDU bibliotekasının okumak zalında «Predarea limbii şi literaturii găgăuze ȋn instituṭiile preuniversitare» programında MPG-23 grupasında üürenän magistrantlarlan praktika dersi geçti («Terminologiya limbii găgăuze ȋn domeniul ştiinṭe ale educaṭiei» disṭiplinasında üüretmen İ.D. Bankova, filologiya doktoru). Studentlerin oldu kolaylıı tanışmaa bibliotekanın fondunda bulunan sözlüklärlän, biblioteka zaametçileri gösterdilär prezentaţiya hem kurulu sözlük sergisini.

Sözlük bibliografiyasını hem prezentaṭiyayı studentlerä hazırladı hem geçirdi bibliotekar A.E. Kösä. Ders çevresindä A. Kösä studentlerä bilim bibliotekasının fondundan leksikografiya basımnarı için geniştän informaţiya açıkladı hem türlü çeşitlerdä, soylarda sözlükleri gagauz, romın, rus, ingiliz hem başka dillerdä bildirdi.

Praktika işindä magistrantlar işittilär gagauz leksikografiya istoriyasından eni haber. Studentlär tanıştılar erindeki leksikografiyaylan hem gagauz dilindä sözlüklerin türlü soylarınnan: çevirmä, terminologiya, orfografiya, iki dildä hem çok dildä. Leksikografiya uurunda kaynaklarınnan tanışmak hem praktikada kullanmak becermekleri studentlerä yardımcı olacek ileri dooru kendi profesional uurunda tekstleri çevirmää, aaraştırmak çalışmalarında hem magisterlik işini yazmakta fayda getireceklär.

KDU Bilim bibliotekası