Komrat Devlet Universitetindän iş grupasının operaţional planına görä «Promovarea și dezvoltarea educației interculturale în formarea inițială a cadrelor didactice» (II fazası) Kasım 8-dä 2022 yılda seminar geçti, neredä uşak başçasında, ginaziyalarda hem liţeylerdä kantarlamak instrumentlerinin kullanılması için konuştular.
Konuşmakta, magistraturada üürenän studentlär, pedagogika praktikasında, metodologiya instrumentlerini kullandıynan, lääzım diagnostika yapsınnar, angı uurda üürenicilerdä kulturaaradakı kompetenţiyasını bulunȇr.
Seminarı PRO DİDACTİCA Üürenmäk merkezindän moderator oldu – doktor habilitat, profesor Viorika Goraş-Postika, proektin eksperti - Daniela Präska, milli koordinatoru - Kristina Bucak.
KDU-dan seminarda katıldılar: proektin koordinatoru, Pedagogika hem psihologiya kafedrasından doktor, konferenţiar Yanioglo Mariya hem doktor, konferenţiar Lüdmila Kör; Romın hem slavän kafedrasından doktor, konferenţiar Lübov Botezatu hem Gagauz filologiya hem istoriya kafedra başı, doktor Galina Mutaf.
Dr. Galina Mutaf, EİC proektin azası
