Kasım 24-dä 2023 yılda «Promovarea și dezvoltarea educației interculturale în formarea inițială a cadrelor didactice» (EIC)» (II faza) proekt gerçeklenmesindä trening  «Universitet - şkola/uşak başçası – aylä  ortaklık programının uygulanması kontekstindä  kultura aradakı terbietmesi».

Treningin neeti  - didaktika kadruların profesional kompetenţiyalarını geliştirilmesi çok kulturlu bir ortamda uşaklar için kultura aradakı terbietmesi ilerletmää hem geliştirmää.

Treningtä gimnaziyadan/liţeylerdän üüredicilär, uşak başçalarından terbiedicilär katıldı (toplam 26 kişi), neredä pedagogika zanaatında üürenän studentlär praktika geçirer – N.Tretyakov adına Teoretik liţeyi, mun.Komrat; T.Zanet adına Teoretik liţeyi, Kongaz küüyü; Gimnaziya, Tomay küüyü; muzika şkolası uşaklara deyni, mun.Komrat; muzika şkolası uşaklara deyni, Burlaçenı küüyü; 5- ci Uşak başçası ‘Sızıntıçık’, mun.Komrat; 1- ci Uşak başçası ‘Maavi çiçek ’, mun.Çadır; Uşak başçası ‘Güneşçik ’, Kazayak küüyü; Uşak başçası ‘Masal’, Albota de Sus küüyü h.b. da.

Önsözlän katılımcılara Milli kultura fakultetinin dekanı doktor, konf. univ. Kurteva Oksana danıştı.  PRO DIDACTICA Üürettmäk merkezin zaametçisi Bujak Kristina proektin iş grupasını hem Didaktika resurs             merkezini üüsek notaladı. Proektin eksperti Präşka Daniela hem proektin asistenti Skurtu Vitaliy kurikulumnarın hem klas dışankı geçirilmiş meropriyatiyaların önemniini nışannadı. 

Doktor, konf. univ. Yanioglo Mariya hem gagauz filologiyası hem istoriya  kafedranın başı doktor Mutaf Galina trening hazırladı hem götürdü.     

Trening katılımcılara sertifikat verildi.

İnformaţiyayı hazırladı: proektin azası, gagauz filologiyası

hem istoriya kafedra başı, doktor Mutaf Galina