Oktyabrinin 28-i saat 14:00-da Komrat Devlet Universitetindä «Uşakların gözünnän Gagauzluk» adlı bir foto sergi açıldı. Bu kultura olayı, Komrat Devlet Universiteti, Maltepe Universiteti hem Trakiya Universiteti tarafından ilerleyän Halklararası MODELGAGAUZ proyektinin 3-cü etapının bir yetkinlii gibi düzennendi.
Bu sergidä aaraştırmalar yapıldıı Haydar hem Kıpçak şkolacıların çektii fotolar katıldı. Sergidä toplanan 17 uşaan çektii 46 fotosu sergilener.
Serginin açılışında KDU geçici rektoru Tatyana Rakovçena selämlama lafınnan katıldı hem proyektin gidişindä başarılar diledi. Proyektin koordinatoru — Dr.Güllü Karanfil MODELGAGAUZ proyektinin önemi hem gidişi için annattı. Açılışa katılan studentlär kendi ürek sözlerini söledilär. Sergi noyabrinin 2sindä Haydar gimnayasına gidecek. Noyabrinin 11däysä sergi Kıpçak Baranovski adına liteydä açılacek. Aklımıza getirelim, ani bu proyekt Moldovanın Aaraştırma hem Gelişmä Milli Agentstvosu (Agenţia Naţională pentru Cercetare şi Dezvoltare) hem Türkiyenin TÜBİTAK kurumu tarafından ilerleer. Sergi açılışından sora katılımcıları tatlılık sofrasına teklif ettilär.
G. KARANFİL, Gagauz Filologiyası hem İstoriua Kafderasının üüretmeni
