2026-cı yılın 25 Şubatında Komrat Devlet Universitetinin Tekwill zalında “Moldovada «eş-eşä» sistemi aracılıynan kaliteli üüretmäk” temalı seminar geçirildi. Bu seminar beynelmilel REFLECT proektı çerçevesindä düzenlendi. Seminarın başlıca maksadı – üüretmäk kalitesini yükseltmek hem pedagogların professional işbirliini kuvvetlendirmektir.
Etkinliä katılanlar arasında üüretmäk sisteminin specialistları vardı: Gagauziyanın Baş Üüretmäk İdaresinin inspektorları, Tarakliya hem Basarabyaska Üüretmäk İdarelerinin temsilcileri, hem da proektın işçi grubunun azaları: Oksana Kurteva, doktor, konferentsiar; Tatiana Velikova, doktor, konferentsiar; Galina Mutaf, doktor, lektor; Galina Mutkoglo, asistänt; Praskovya Nikolaeva, asistänt.
Seminarın açılışında katılımcılara selamlama sözünü REFLECT proektının institutsional koordinatoru Oksana Kurteva hem REFLECT proektının milli koordinatoru, proekt menecerı Marin Dolinţa söyledilär. Tanıştırma bölümündä katılımcılar proektın maksatları hem görevleriylan tanıştılar. Proektın esas fikri – pedagogların professional gelişmesini “eş-eşä” prinsipinä görä üüretmäk praktikasına uygulamaktır.
Seminar çerçevesindä katılımcılara üüretmäk kalitesini yükseltmää yönelik çağdaş instrumentlar tanıtıldı. Özellikle kanıtlara dayalı ders gözlemi metodlarına hem pedagogik geri bildirim kültürünün gelişmesine önem verildi. Programın praktika bölümündä Mentimeter platformasında interaktiv anket, interaktiv egzersizler, gözlem becerilerini degerlendirmää yönelik video materyallerinin analizi hem da ders üzerine professional tartışma situatsiyalarının modellendirilmesi geçirildi.
Etkinliin ayrı bir bölümündä REFLECT yaklaşımı tanıtıldı. Bu bölümde kaliteli üüretmäin başlıca özellikleri, effektiv ders gözleminin elementleri hem pedagoglar arasında professional dialogun rolü ele alındı. Seminar katılımcıları aynı zamanda konstruktiv geri bildirim becerilerini geliştirmää hem pedagogik situatsiyaların ortak analizini yapmaa yönelik praktika çalışmalarına katıldılar.
Günün ikinci yarısında proekt katılımcılarının tecrübesi sunuldu hem pedagogların professional gelişim portfolioları üzerine tartışma yapıldı. Üüretmäk prosesinin praktika simulatsiyası katılımcılara alınan bilgileri uygulamaa hem üüretmäk faaliyetinin gözlemi hem analizi becerilerini geliştirmää imkan verdi.
Seminarın sonunda refleksiya bölümü geçirildi. Bu bölümde katılımcılar etkinliin en önemli fikirlerini belirledilär, professional faaliyetlerinde kullanacakları praktika instrumentlarını ayırdılar hem proektın ileriki gelişmesi için sorular formüle ettilär.
REFLECT yaklaşımı pedagoglar arasında professional işbirliini geliştirmää, karşılıklı destek hem tecrübe paylaşımı kültürünü oluşturmaa yöneliktir. Bu yaklaşım üüretmäk prosesinin kalitesinin yükselmesinä hem öğretmenlerin professional gelişmesinä katkıda bulunur.
Proekt şu universitetlerin konsortsiumu tarafından gerçekleştirilir: Zürih Pedagogika Universiteti (İsviçre) hem Moldova Respublikasının universitetleri – İon Creangă Pedagogika Devlet Universiteti, Komrat Devlet Universiteti, Alecu Russo Devlet Universiteti (Bälţi), Moldova Devlet Universiteti hem Bogdan Petriceicu Haşdeu Devlet Universiteti (Cahul).
Üüretmäk idarelerinin inspektorlarına seminardakı açık işbirlii, destek hem professionalism için içten teşekkür ederiz.
https://kdu.md/images/programma-seminara-25-02-2026.pdf
Publikatsiya: Oksana Kurteva, REFLECT proektının institutsional koordinatoru.
