2026 yılın iyun ayın 1–2-sindä Komrat Devlet Universitetinin komandası REFLECT Faza II proektinin beşinci seminarına katıldı. Seminarın teması: „Moldovada eşittän eşidä sistemasının yardımınnan kaliteli üürenmä”. Bu uuräş Kişinev Devlet Pedagogika Universitetindä „İon Creangă” adında geçirildi hem proektin gerçekleştirilmesindä katılan universitet-partnerlerin temsilcilerini bir araya getirdi.
Seminar sırasında katılımcılar kolegaların üüredilmesini organize etmek deneyimini, geçirilän treninglerin sonuçlarını, proektin gerçekleştirilmesi sırasında elde edilän diişmeleri, hem da REFLECT çalışmalarını universitet ortamında devam ettirmää lääzım olan sonrakı adımları görüştülär. Ayırı dikkat inspektorların hazırlanmasına hem mentorlanmasına, üüretim etkinliklerinin planlanmasına, ortaya çıkan zorluklara hem mümkün çözümlärä verildi.
Komrat Devlet Universitetinin komandası proekttäki katılım deneyimini sundu. Buna üüretim etkinliklerinin organize edilmesi, eğitim alanının temsilcilerinnän işbirlii hem REFLECT yaklaşımnarının bölgesel eğitim ortamında uygulamasının gelecek perspektivaları dahil oldu. Seminara katılım partnerlärlän sonuçları paylaşmaa, eşittän eşidä üürenmenin etkili formlarını görüşmää hem proekt çalışmalarının ileri gelişim yönlerini belirlemää imkan verdi.
Seminarın ikinci günündä REFLECT proektinin sürdürülebilirliinä özel dikkat verildi. Katılımcılar partner grupalarında çalıştılar, artık elde edilän sonuçları, mümkün riskleri hem proektin bitiminedän önce yapılması lääzım olan işleri belirledilär. Ayrıca 2026 yılındakı final konferensiyasına hazırlık konusu da görüşüldü: ana mesajların hazırlanması, görünür sonuçların sunulması hem her universitet-partner için konkret sonrakı adımların belirlenmesi.
Komrat Devlet Universitetinin komandasının REFLECT seminarına katılması halkara hem universitetlerarası işbirliini güçlendirmektä, üüredici kadroların profesional potențialını geliştirmektä hem kaliteli üürenmä için çağdaş yaklaşımları ilerletmektä önemli bir etap oldu. Kazanılan deneyim mentorluun, kolegial üürenmenin hem refleksiv pedagogika praktikasının universitetin eğitim çalışmalarına daha ileri uygulanmasına katkı sağlayacak.
Publikațiya: Kurteva O.V., doktor, konferențiar universitar, instituțional koordinator
