Aprelin 28-dä 2023-cü yılda Komrat Devlet Universitetindä ‘Universitet – gimnaziya/liţey/uşak başçası - aylä partneriatın geçirilmäk kontekstindä kultura aradakı terbietmesi’ seminar-trening geçti.
Seminarda pay aldılar 25 üüredici, terbiedici Gagauziya üüretim kurumnarından (Mihail Eminesku adına teoretik liţeyi, mun Komrat; Gavril Gaydarcı adına teoretik liţeyi, mun. Komrat; Nikolay Tretyakov adına teoretik liţeyi, mun. Komrat; Dmitriy Karaçoban adına teoretik liţeyi, mun. Komrat; Stepan Kuroglu adına gimnaziya, mun.Komrat; Todur Angeli adına gimnaziya, Gaydar küüyü; Sergey Rudenko adına gimnaziya, Valkaneştı k.; 9-cu uşak başçası ‘Masal’, mun. Komrat; uşak başçası ‘Süüt aacı’, Avdarma küüyü), neredä KDU studentleri praktikayi geçirerlär.
Proektin koordinatoru doktor, konferenţiar Yanioglo Mariya kısadan açıkladı proektin I hem II fazanın içindä yapılmış işleri. Bundan sora KDU rektoru doktor, konferenţiar Zahariya Sergey kutladı hepsini hem nışannadı proektin önemniini genç üüredicileri hazırlanmasında. Gagauziyanın Genel Üüretim müdürlüü doktor, konferenţiar Kristeva Natalya açıkladı üüredicinin profesional işindä kultura aradakı terbietmesinin büük rolu.
Proektin millet koordinatoru, PRO DIDACTİCA üüretim merkezinin zaametçisi Bucak Kristina iş grupasının işinä hem Didaktika resurs merkezinä üüsek notayı koydu.
Proektin eksperti Pröşka Daniela kultura aradakı terbietmesinin uurunu kantarlamasında diagnostika instrumentlerinin önemniini alçıkladı.
Seminarda Üüretim merkezi PRO DIDACTICA – Komrat Devlet Univesiteti – Gagauziya Genel Üüretmäk Müdürlüü – Üürertim kurumnarı (toplam 9) Konvenţiya-kadru işbirliinä studentlerä pedagogika praktikasını kurmaa deyni imzalandı.
