Gagauz filologiyası hem istoriya kafedrasından üüretmennär hem MPİ-22, MPG-22, GA-20 grupalardan studentlär profesor, türkolog Pojrovskayanın memorial taşına çiçekleri koydular.
Lüdmila Aleksandrovnanın adı birkaç taraftan meraklı. O anılmış filologiya bilimnerindä doktor, profesor, gagauz alfavitin temelini koyan, folklorist, gagauzların bilim gramatikasının avtoru, sözlük düzücüsü, talmaç, metodika uurunda teklifleri kuran, gagauz dialektologiyasında bilim aaraştırıcısı. Lüdmila Aleksandrovna bütün yaşamasını çalıştı gagauz dilini aaraştırmasında. O açtı dünneyä bilim uurunda aaraştırılmadık gagauz dilini. Gagauz bilim gramatikasını yazdı, aaraştırmak yolunu başka bilgiçlerä açtı.
Lüdmila Aleksandrovna duudu 1925-inci yılda mardın 18-dä Leningradta.
Lüdmila Aleksandrovna bütün yaşamasını çalıştı gagauz dilini aaraştırmasında. O açtı dünneyä bilim uurunda aaraştırılmadık gagauz dilini. Gagauz bilim gramatikasını yazdı, aaraştırmak yolunu başka bilgiçlerä açtı.
1957-ci yılda L.A.Pokrovskaya D.N.Tanasogluylan barabar gagauz yazısını kiril grafikasında hazırladılar. 1958-inci yılda tiparlandı ‘Gagauz dilinin orfografiya kuralları’. 1994-üncü kuralların eni redaktiyası oldu. 1995-ci yılda ‘Gagauz dilinin orfografiya kurallarının’ bitki variantı tipardandı.
1964-üncü yılda L.A.Pokrovskaya tipardan çıkardı ilk gagauz gramatikasını «Грамматика гагаузского языка. Фонетика и морфология». Lüdmila Aleksandrovna seftä geniş hem derindän yazdırdı bizim dilimizin fonetika hem morfologiya sistemasını. O gösterdi bütün dünneyä, ani gagauz dili kendibaşına bir dil türk senselä dillerin arasında.
1973-üncü yılda Moskvada L.A.Pokrovskaya, E.K.Kolta, G.A.Gaydarcı hem B.P.Tukan ‘Gagauzça-rusça-moldovanca sözlüü’ hazırladılar. Sözlüün baş redaktoru N.A.Baskakov. 1973-üncü yılda Moskvada L.A.Pokrovskaya, E.K.Kolta, G.A.Gaydarcı hem B.P.Tukan ‘Gagauzça-rusça-moldovanca sözlüü’ hazırladılar.
1989-uncu yılda tipardan çıktı L.A.Pokrovskayanın hem M.Çernışovanın kiyadı ‘Народные песни гагаузов’. Kiyadında Lüdmila Aleksandrovna gagauz halk türkülerin klasifikaţiyasını verer. Kiyadın eklentisindä verili bir plastinka, angısı tanıştırêr sesleyicileri gagauz halk türkülerinnän, maanilerinnän hem avalarınnan.
1992-inci yılda L.A.Pokrovskayayı teklif ettilar Komrat Devlet Universitetina studentlera lektiyaları okumaa. Çalışarkan KDU-da, o hazırladı studentlera iki kiyat:
- Современный гагаузский язык. Курс лекций. Комрат, 1997.,
- Синтаксис современного гагаузского языка (предложение). Санкт-Петербург – Комрат, 1999.
Bunyan kaarä, çalışarkan Komrat Devlet Universitetindä, 1992-nci yıldan 2000-inci yıla kadar, L.A.Pokrovskaya hazırladı bölä bilim kiyatlarını, nicä: «Теоретические основы и принципы гагаузской орфографии», «Правила употребления букв гагаузского алфавита. Спецкурс.», «Gagauz dilinin orfografiya laflıı» h.b.
Geçindi L.A. Pokrovskaya Oktäbrinin 7-dä 2009-cu yılda Sankt-Peterburgta. Oktäbrinin 24-dä 2009-cu yılda Beşalma küüyündä D.Kara Çobanın mezarın yanında gömüldü.
Topracıı iln olsun!
İnformaţiyayı hazırladı Mutaf G.N. doktor, lector,
Gagauz filologiyası hem istoriya kafedra başı
