Martin 30-u hem 31-i Rusiya Bilimnär Akademiyasının Dilbilimi İnstitutu onlayn olarak "Uşaklara dil nasıl verelim" konulu bir İlkyaz okulu geçirildi.

Okulun neeti ana-bobalarlan, malilerlän hem dädularlan dartışmaa ‘Nasıl aşılamaa ayledä dili uşaklara’ temasını, bu işin teoriyasını hem praktikasını annatmaa, mifleri ortadan kaldırmaa, dooru öntemneri göstermää.

Konuşmacılar arasında dil aktivistleri, dilleri yok olma korkusu altında bulunan halkların temsilcileri vardı: Karelyalılar, Çuvaşlar, Kalmuklar, Udmurtlar, Tatlar hem b. Gagauz Filologiyası hem İstoriya kafedrasının üüretmeni Güllü Karanfil dä bu okula konuşmacı olarak katıldı. Şindiyä kadar Gagauz dilinnän baalı yapılan proyektlar için ('Lafet Gagauzça' yarışması için, 'Tatlı dil' uşak klubu, ‘Guguşçuk’ jurnalı hem b.) bilgi paylaştı.

Okulda Gagauz dili üüredicileri hem liţey üürenicileri dä katıldı.

Güllü Karanfil