17.04.2024 y. Valkaneş Doljnenko adına hem Tülüküü Ekonomov adını liţeylerdä 12-ci klas üürencilerinnän bir toplantı geçti. Toplantıda Komrat Devlet Universiteti, Milli Kultura Fakultetinin üüretmeni Güllü Karanfil, üürenicilerlän dooru zanaat seçmä önemi için annattı.

Toplantının neeti, gençlerä profesional oryentaţiya hem üniversitettä üürenmäk şansını vermektir. Karanfil Milli Kultura Fakultetinin uzmannık alannarını annattı hem bilgilerinnän paylaştı. Üüredici zanaatını seçmää teklif etti.

Gençlär türlü soruşlar verdilär. KDU üüretmeni büük havezlän soruşları cuvapladı. Herbir gencin potenţialını annamaa çalıştı.

Bu buluşma uşakların ruhunu üüseltti, onnara ilham verdi. Bir ay sora uşakların zor ekzamenneri başlayacek. Komrat Devlet universitetinin üüretmeni 12-ci klaslara başarılar diledi da üüretimnerini ötää dooru gerçekleştirmää deyni KDUnin Milli Kultura fakultetinä teklif etti.

Güllü Karanfil