Aprilin 26-sında 2024 y. Komrat Devlet Üniversiteti Millet kulturası fakultetindä «Роль образования в подготовке конкурентоспособных специалистов. Студенческие исследования-2024» konferenţiyanın çerçevesindä 2-nci Sekţiya: "Modern gagauz hem türk filologiyası hem istoriyası aaraştırmaları" plannandı. Bu bölümün moderatorları olduları:
İvanna Dmitrievna Bankova, doktor, gagauz filologiyası hem istoriya kafedrasında konferenţiar hem MPG-22 grupadan magistratura programında Predarea limbii și literaturii găgăuze în instituțiile preuniverrsitare üürenän Tatyana Ceban.
Bölümün çalışmalarının neeti modern gagauz hem Türk filologiyası hem istoriya aaraştırmaları alanında profesional diskusiya yapmaa.
Moldovadan hem Türkiyeden temsilcilär 15-tän zedä kişi bu konuda üürenän studentlär konferanţiyaya katılmak üzerinä registraţiya yaptırdı.
Bilim konferenţiyası karışık bir formatta gerçekleştirildi: üz-üzä hem MEET platformasında.
"Modern gagauz hem türk filologiyası hem istoriyası aaraştırmaları" bölümündeki katılımcılar dört doklad okudular:
Berna gündoğdu (Türkiye) «Oglan hem Mari kız” masalının Vladimir Propp metoduna göre incelenmesi», bilim öndercisi Özakdağ Nadejda, Prof. Dr.;
Çeban Tatyana (Moldova) «Birinci klasta gagauz dili uroklarinda bukvalik period öncesindä sözleşmäk sinişlari», bilim öndercisi Bankova İ.D., doktor konferenţiar;
Ezgi Erdoğan (Türkiye) «Vlad Demir Karagançu'nun zamannardan «Аvazlar» romanında eğitim ve milli kimlik arayışı», bilim öndercisi Özakdağ Nadejda, Prof. Dr.;
Nenova Lüdmila (Moldova) «Sözlükte bulunmayan Valkaneş ağzı kelimeleri (folklordan seçmeler)», bilim öndercisi Adem Koç, Prof. Dr.;
Yaneva Elena (Moldova) «Gagauz dili uroklarında gimnaziyada söz ilerletmesindä sınış sisteması» bilim öndercisi Bankova İ.D., doktor konferenţiar.
Açıklanmış dokladlar hepsi aktual temaları hem zengin bilgileri gösterdilär, türlü çeşitliydi, bilim istediklerinä görä tamannanmış yazılı, uygun hem interesli. Konferenţiyaya katılannar Nenova Ludmila yaşayan gagauz dilini – Valkaneş sözü temasında aaraştırma yapmış, konuşması özel bir dikkatlık çekti. Student materialı ii biler, aaraştırma teknikasını kullanȇr, sonuçlarını ustayca inandırȇr. Onun dokladı en iisi olarak kabul edildi.
Bu bölümün katılımcıları, modern gagauz hem türk filologiyası çeşitli soruları urgulayan, belli edili temalarında diyaloga, açıklaa hem üüsek uurda bilimsel dartışmaya hazır olduklarını gösterdilär.
Bölümün sonunda katılımcılar teklif verdilär, aniki studentleri aaraştırma yapmaa sınaştırmaa, aaraştırma becermeklerini geliştirmää hem onnarın topluluk önündä konuşma denemeklerini kazandırmaa, busoy konferanţiyaları sistematik olarak düzenlemää da fakultettä geçirmää.
Bankova İ.D., doktor, konferenţiar universitar
