Millet kultura fakultetinda Gagauz filologiyası hem istoriya kafedrasından MPİ-22 gr. studentlär magisterlik tezalarını başarıylan korudular. Studentlär Moldova Devlet Universitetindä İstoriya hem filosofiya fakultetindä bilim aaraştırmalarını korudular.
Kendi işlerindä studentlär açıkladılar aktual temaları, angıları Gagauziyanın istoriyadan hem kulturadan türlü aspektlerini kaplêêrlar. Studentlär bölä temaları açıkladılar, nicä Komrat Devlet Universitetinin istoriyası, Avdarma küüyünün istoriya muzeyinin çalışması, ‘Вести Гагаузии’ hem ‘Ana sözü’ gazetalarının rolu, gagauzların kalendar adetlerini, Moldova Respublikasının üüretim alanında milli azannıkların integraţiya politikası hem dä şkolalarda istoriyanın üüretmäk metodikasında eni alternativ metodlarını.
Devlet komisiyasının başı Evgeniy Savoy studentlerin bilim uurunda hazırlıklı olduunu hem dä bilim işlerinin üüsek uurunu urguladı.
Bu başarılar Komrat Devlet Universitetin studentlerinin akademik işlerinin üüsek uurda bulunduunu hem dä Gagauziyanın gelişmesi için istoriyanın hem kulturanın aaraştırılmasının önemi gösterdi.
