2024-cü yılın sentyabri ayında Baku M. Rasulzade adına Devlet Universitetinda. Komrat Devlet Universiteti (KDU) Gagauz Filologiyası hem İstoriya kafedrasının üüretmeni, Doktor Güllü Karanfil, sentyabrida iş hem dostluk ortaklıı için Azerbaycanda M. Rasulzade adını taşıyan Bakü Devlet Üniversitesindä (BDU) bulundu. BDU Günduusu bilimneri Fakültetini bitirän, Doktor Güllü Karanfil, BDU Günduusu bilimneri Fakültetinin dekanı, Doktor, Doçent Aydan Handannan BDUnun bilim insannarı hem aaraştırmacılarınnan bir araya geleräk Azerbaycan Universitetinin dinamik hem enilikçi diişimlerini denediini söledi. Ortak toplantılar sırasında, ortaklık ilişkilerinin güçlendirilmesinin laazımnıını söledi: taa sora her iki devletin universitelerindeki aaraştırmacıların, üürenicilerin, magistratura hem doktorluk üürencilerinin türlü işbirlii alannarında ortak çalışmalar yapmak kolaylıı verecek bir ortaklık annaşması imzalanmaa laazım olduunu bildirdi. Doktor Güllü Karanfil, BDU çalışannarına KDU fakültetleri için hem Gagauz dilinin genel durumu için bilgi verdi. Diyalog sırasında, Türkçe, Gagauzcça, hem başka dillerin gelişimi için metodolojik temellerin aaraştırılması hem geliştirilmesi için ileriye dönük ortak aaraştırma plannarı hem proyektleri lafedildi.

Doktor Güllü Karanfil