Fevralin 28-dä 2025 yılda dokladlarlan gagauz filologiyası hem istoriya kafedrasından üüretmennär Mutaf G.N. pedagogika bilimnerindä doktor, kafedra başı hem Sırf V.İ filologiya bilimnerindä doktor,  GR-24, GT-22 hem NDP-24 grupalardan studentlär şannı bilim adamın, istoriyacını hem etnografın S.S. Kuroglunun 85-ci yıldönümünnän baalı  Tombarlak masasında katıldılar. Bu sıra S.S.Kuroglu adına gimnaziyada Komratta geçti.  Arakelän V.A. gagauz dili hem literaturası üüredici gimnaziya üürenicilärlän kultura programasını hazırladılar, yazıcının şiirlerini okudular, türküleri çaldılar. Maruneviçin M.V. adına Bilim-aaraştırma merkezinin başı Konstantinova İ.A. o üürenicilerä,  kim şiir konkursunda ilk erleri kazandı, sertifikat hem baaşış verdi. Tombarlak masasında pay aldılar gimnaziyadan üüredicilär hem üürenicilär, bilim insannarı. Katılımcılar gagauz yazıcısını için anmaklarlan paylaştılar, onun bilim yaratmalarını hem cümnä uurunda zaametini, bilim adamın rolunu gagauz dilini hem adetlerini korumasında açıkladılar.  Tombarlak masanın payalannarı belli ettilär, ani Kuroglunun bilim mirası pek önemni gagauz halkına da onu lääzım ileri dooru geliştirmää hem bildirmää.