Kıran ayın 13-ndä  2024y., pedagogika hem psihologiya kafedrasında, 0113.1/0114.9 Pedagogie în învăţământul primar. Limba și literatura găgăuză zanaatını alınan 4-cü kurstan hergün bulunmadaan universitettä studentlerin pedagogika praktikanın sonuçlarına görä konferențiyası geçti. Dört hafta içindä (01.09.2024 y. - 29.09.2024 y.) studentlär başlankı klaslarda kendi yaşayan erinin üüretim kurumnarında  praktikayı geçtilär. Praktikanın neeti - hazırlamaa studentleri başlankı klaslarda üüredici gibi kendibaşına işä. Toplam konferențiyada studentlär göstürdülär çalışma raportlarını praktikanın sonuçlarına görä, okulun yaşamasının katılmasına üüredici gibi kendi duygularınnan paylaştılar. Bu praktikanın özellii - onun daavası okulda üürenicilerin ilk günnerinnän tanışmaa. İlk haftayı studentlär geçirdilär 1-nci klaslarda, tanışarak onunnan, nicä uşaklar okul üürenmesinä adaptațiyayı geçirerlär, nesoy metodları hem kolaylıkları üüredici kullanêr bu iş için. Sorakı üç haftayı studentlär geçirdilär başka klaslarda, bütündän çalışarak üüredici erinä, üürenmäk hem terbietmäk usullarında aktiv pay alarak. Konferenţiya gidişindä studentlär paylaştılar praktıkadan kaldıı duygularınnan, fikirlerinnän, onnarın zanaat güvenniininä etkiyi esapaldılar. Studentlär çizgiledilär, ani en meraklıydı onnara praktikanın ilk etapı birinci klasta. Onnar vardı nasıl tanışsınnar uşakların okula adapaţiyaya deyni organizaţiya metodlarlan hem formalarlan. Zorluklarının arasında, angılarınnan karşılaştılar studentlär praktikanın gidişindä bulunêrlar: klasın çalışmasının organizaţiyası, disţiplina hem uroon vakıdının erleşmesinin organizaţiyası. Praktika verdi studentlerä kolaylık kendi (metodika, pedagogika) kaynaklarına/resurslarına analiz yapmaa ötää dooru onnarı zenginneştirmää deyni. Biri-birinä studentlär dua ettilär ii başarılar zanaat urunda.