ıran ayın 19 2019 y. Komrat Devlet Üniversitetindä Yabancı Dillär Kafedrasında "Üniversitettän ileri üüretmäk kurumnarında çok etnik ortamda alman dillär üüretmesi" speţializaţıada üürenän studentlerin magistr aaraştırmak işlär korunması geçti.

Renkli hem faydalı prezentaţialar, studentlerin aaraştırmak işleri açıklaması, onnarın ӧnemli sӧzleri çok meraklandırdı hem duygulandırdı devlet examen komisyasını, angıların soruşlarına cuvap verildi.

Magistr aaraştırmak işlär korunma sonuçları (100% kalite hem 100% akademik başarı) universitetimizi bitirän studentlerin uuru üüsek olduunu, onnarın üüredicilik hem terbiedicilik işini ilerletmää deyni çok ii hazırlanmasını gösterer. 

Examen komisiası studentlerä rekomendaţia verdi, ki aaraştırmaları Moldovadakı doktor şkolalarında ilerletsinnär.

Komrat Devlet Üniversiteti Rektorunun izininä görä, başaran studentlerä üüredicilik bilimindä magistr statusu verildi.

Studentlerimizi magistr aarastırmak işleri çok gӧzäl korunmasınan kutlêêrız hem onnara professional işlerindä hem de öz plannarında başarılar dua ederiz!