25 sentäbri 2026 yılında 0114.10 Yabancı dillär (İngiliz hem nemţä dili hem literaturası) specialitesinin IV kurs studentları için nemţä dilindä pedagogika praktikasını geçirmäk sırası konusunda başlangıç instruktajı yapıldı. Buluşmayı yabancı dillär kafedrasından praktika öndercisi T. A. Todoriç hem Komrat Devlet Universitetinin praktika işlerinä bakan inspektoru L. D. Topal hazırladılar.

İnstruktaj zamanında studentlara praktikanın içindekileri, amaçları hem görevleri, geçirilmää zamanı hem praktikantın pedagogika görevlerinä koyulan istekler ayrıntılı annadıldı. Urokların hazırlanmasına, pedagogika praktikasının günlük defterini tutmaa, otçot dokumentlarını hazırlamaa hem son uroku geçirmää ayrı dikkat verildi.

Praktika 28 sentäbridän 25 oktäbriyä kadar 2026 yılında sürecek hem studentların profesiya hazırlıında önemli bir basamak olacak. O, şkola üürenicilerinnän gerçek pedagogika işbirliinä, şkola yaşamasını üüredici tarafından tanımaa hem teoriya bilgilerini praktikada kullanmaa kolaylık verecek.

İnstruktaj hazırlıkta önemli bir basamak oldu hem studentlara praktikanın baş isteklerini — görevlerini, otçot dokumentlarını hem notalama kriteriylerini — annamaa yardım etti, sorumlu hem verimli işä heves verdi.

Studentlarımıza praktikayı başarılı geçirmää, eni bilgilär hem koydukları amaçlarına etişmää isteeriz!