17 sentäbri 2026 yılında Komrat Devlet Universitetindä nemţä dilindä milletlärarası OnSET testi yapıldı. Meropriyatiyä „Yabancı dillär hem literatura” specialitesinin studentları katıldılar.
Test Germaniya Akademik Diişim Servisinin (DAAD) temsilcisi bay Josef Sallanz’ın universitetä viziti çerçevesindä geçirildi. Katılanlar nemţä dilini bilmää uurunu milletlärarası test yolunnan kontrol etmää hem doorulamaa kolaylıını aldılar.
Testin sonuçlarına görä studentlara nemţä dilini bilmää uurunu doorulayan sertifikatlar verildi. Alınan sonuçları studentlar ileridä DAAD’ın stipendiya hem akademik programalarına katılmak için kullanabileceklär.
Böylä meropriyatiyaların geçirilmesi studentların nemţä dilini üürenmää hevesini büüdär, akademik mobilnost için kolaylıkları genişleder hem milletlärarası üüretim programalarını tanıtmaa yardım eder.
Studentlarımıza nemţä dilini üürenmää, üüretimdä hem eni akademik kolaylıkları gerçekleştirmää ileriki başarılar isteeriz!
DAAD stipendiya programaları için ek bilgi ofiţial www.daad.de saytında bulunêr.
