2026 yılın 8 Sentäbri günü Bilim bibliotekasını ziyaret etti filologiya bilimneri doktoru, Gagauz filologiyası hem istoriyası kafedrasının öğretmeni Güllü Karanfil. O anlattı internaţional proekt için «Gagauz dilini hem kulturasını korumaa deyni sotsio-kultural modelin deneyimi: uyumlu çokdilliliği gagauzlar için üstünnüğä çevirtmäk» (2025–2026), angısı TÜBİTAK hem ANCD tarafından desteklenner. Proekttä pay alêr Komrat Devlet Universiteti, Türkiye’dän iki universitet — Maltepe hem Trakya, Gagauziyanın şkolaları hem erli yönetim organları.

Bu yöneltmä çerçevesindä hazırlanıpdı hem basılıpdı Belma Akşit hem Gökçesu Akşit Dudaklı tarafından yazılan ortak eser «Kalitativ metodologiya hem katılımcı hereket-araştırması»; sorumlu redaktor Güllü Karanfil oldu. Kitap 500 nüsha olarak basıldı, onnarın 30 nüshası universitet bibliotekasına baaşlandı.

Yeni basım sotsial bilimnerdä araştırma metodlarını üürenän her türlü spetsialitetin studentları için deyerli praktika yardımı olacak.

KDU Bilim bibliotekası