Mardın 14-dä 2023-cü yılda Gagauz filologiyası hem istoriya kafedrası Kara Çobanın adına Milli istoriya hem etnografiya muzeyin zaametçisinnän Tombarlak masası ‘’ geçirdi.

Profesor, türkolog L.A.Pokrovskayaya bu yıl Mardın 18-dä 98 yıl tamannayaceydi. Gagauz yazıcısı, peetçisi, resimci, muzeograf D.N.Kara Çobana bu yıl Mayın 27-dä 90 yıldönümü olacek.

Tombarlak masasında millet kultura hem agrar fakultetlerindän studentlär katıldılar – gr.AA-22, AİM-22, NDP-22, GA-20.

İlkin muzeyin direrktoru – Marin Lüdmila studentleri gagauz resimcisi Ormanjı Larisanın resimnerinnän tanıştırdı. Sora muzeyin kurulması için anaattı hem gezi/ekskursiyayı geçirdi.

Bundan sora tombarlak masasının azaları kinozal odasında dokladları okudu.

Muzeograf, gagauz yazıcısı Mariya Kapaklı (Mercanka) profesor, türkolog L.A.  Pokrovskayanın yaşaması için doklad okudu. Doktor, gagauz filologiyası hem istoriya kafedrasının başı Mutaf Galina prezentaţiyasında Lüdmila Pokrovskayanın izini için gagauz dilbilimindä hem kulturasında hem KDU-da onun çalışmasını açıkladı. 

NDP-22 grupadan studentleri: Paşalı Anna gagauz peetçisi, resimci, kinocu D.N.Kara Çobanın yaşamak hem yaratmak yolunu için annattı. Dimitrova Marina yazıcının tematika genişliini için prezentaţiya hazırladı. Jelezova Alöna hem Kazmalı Anna D.N.Kara Çobanın şiirlerini ezberi okudu. AA-22 grupadan Grozdeva Olga profesor L.A.Pokrovskayanın muzıka uurunda aaraştırmalarını, bilim kiyatlarını, dilbilimindä yazılarını açıkladı. GA-20 grupadan studenti İvanova Marianna D.N.Kara Çobanın beendii şiirini okudu.

Üüretmennär studentlärlän barabar L.A.Pokrovskayanın hem D.N.Kara Çobanın mezarına çiçek koydular.

Marin Lüdmilaya hem muzey zaametçilerinä saa ol deeriz!