18 sentäbri 2026-da Komrat Devlet Universitetinin Bilim bibliotekası pedagogika doktoru, universitet konferenţiarı O. V. Kurteva ilän birliktä Milli kultura fakultetinin Pedagogika kafedrasında MOM-26 grupasının birinci kurs magistrantları için praktika dersi geçirdi.

„Bilim araştırmalarında bibliografiya baalantılarını hazırlamak hem informaţiya resurslarını ţitata almaa kuralları” temalı ders „Üüretim kurumnarında pedagogika araştırmasının metodologiyası” kursunun çerçevesindä hazırlandı.

Ders sırasında KDU Bilim bibliotekasının baş bibliotekacısı A. E. Kösea bibliotekanın informaţiya resurslarını hem arama sistemasını, alfabet, sistematika hem elektron kataloglarını gösterdi. Magistrantlar universitetin ofiţial saytında bulunan üüredicilerin çalışmalarının Elektron bibliotekası için dä geniş informaţiya aldılar. O. V. Kurteva bilim araştırmalarını yazarkan bibliografiya baalantılarının eni standartlarına sıkı uymanın önemini ayrıca açıkladı.

Dersin sonunda magistrantlar KDU Bilim bibliotekasının data bazaları için bilgilerini genişlettilär, informaţiya kaynaklarınnan çalışma hem gelecek bilim araştırmalarının rezultatlarını bibliografiya kurallarına görä hazırlamak praktika becerilerini kazandılar.