14 oktäbri 2026 yılında saat 11:00-dä Komrat Devlet Universitetinin ekonomika fakultetindä «Dış alış-verişin logistikası» disţiplinası çerçevesindä «Logistika çalışmasının vama tarafından saalanması (vama reguleerilmesi hem vama proţeduraları)» temasında açık lekţiya planneeriler. Lekţiyaya Moldova Respublikasının Vama Hizmetinin temsilcisi çaarılêr.

Meropriyatiyayı Komrat Devlet Universitetinin ekonomika kafedrası organizaţiyalêêr. Bu çalışma marketing, logistika hem dış ekonomika çalışmasının yönetimi alanlarında gelecek uzman hazırlamasında praktikaya yönelik yaklaşımın uygulanmasının bir payıdır.

Meropriyatiyanın baş amacı — üürenicilerin hem magistrantların dış alış-verişin vama reguleerilmesi alanında teoriya bilgilerini derinnetmäk hem onnarı Moldova Respublikasında vama proţeduralarının organizaţiyasının hem yapılmasının praktika taraflarınnan tanıştırmak.

Milletlärarası taşımalarda hem yüklerin vama işlemlerindä çıkan praktika durumlarına ayrı dikkat verilecek. Üürenicilär hem magistrantlar çaarılmış uzmana kendi soruşlarını sorabilecek hem vama administraţiyasının şindiki soruşlarını danışabilecek.

Bölä meropriyatiyalar akademik ortamnan devlet kurumları arasında işbirliini güçlendirmää, üürenicilerin profesiya kompetenţiyalarını oluşturmaa hem şindiki iş pazarının istediklerini hesaba alarak uzman hazırlamasının kalitesini yükseltmää yardımcı olêr.

Gün: 14 oktäbri 2026 yılı
Saat: 11:00
Yer: KDU ekonomika fakulteti, 101-inci auditoriya.

Üürenicileri, magistrantları hem üüredicileri açık lekţiyaya katılmaa çaarêrız!