Bugün Komrat Devlet Universitetinin Etika hem profesional deontologiya Komisiyasının ilk organizaţiya toplantısı oldu.

Komisiyanın kurulması, Universitet Senatının Etika hem profesional deontologiya Kodeksini kabul etmesindän sora önemni bir adım oldu. Bu Kodeks universitet ortamında profesional davranışın, saygının, cuvapçılıın hem akademik kulturanın temel prinţiplerini belli eder.

Organizaţiya toplantısında Komisiyanın azaları predsedateli, predsedatel yardımcısını hem sekretarı seçtilär.

Komisiyanın çalışması universitetta studentlar, üüredicilär, administraţiya hem başka izmetçilär için saa hem saygılı bir atmosferanın kurulmasında pek önemni. Onun zadaçası — etika normalarına uymaa yardım etmäk, konflikt durumlarını önnemäk, karşılıklı saygıyı, dooruluu hem güveni kaaviletmäk.

Universitet sade bilgiylän hem profesional hazırlanmaylan sınırlı diil. O bir erdir, neredä insanın kulturası, topluma karşı cuvapçılıı hem başkalarına saygısı oluşêr. Onun için etika hem profesional deontologiya sade Kodekstä yazılı kalmamalı, ama gündelik universitet yaşamasının bir payı olmalı.

Komisiyanın kurulması hem çalışmasının başlaması, Komrat Devlet Universitetinin akademik kulturasını hem profesional paalarını taa da kaaviletmää önemni bir adımdır.