Bugün Komrat Devlet Universitetinin Student Sovetinnän organizaţiya toplantısı oldu. Toplantıda 2026–2027 üüretim yılı için önemni zadaçalar hem çalışma yönneri belli edildi.
Student Soveti universitet yaşamasının önemni bir payı hem gençlerin universitetin ilerlemesinä katılmak mehanizmasıdır. Bu türlü buluşmalar studentlar için kendi tekliflerini açık sölemää, aktual soruşları kaldırmaa hem üüretim hem toplumsal ortamın kurulmasında doorudan pay almaa kolaylık verir.
Studentların, üüredicilerin hem universitet önderciliinin arasında devamlı dialog hem ortak çalışma büük önem taşıyêr. Bu karşılıklı işbirliinnän saygı, cuvapçılık hem güven atmosferası kurulêr.
Gençler için Student Soveti sade studentların intereslerini temsil etmäk diil, ama liderlik, iniţiativa, cuvapçılık hem komandada çalışma becerilerini ilerletmäk kolaylığıdır.
Universitet sade bilgi alınan bir er diil. O bir ortamdır, neredä gençlär aktiv grajdan olmaa, karar kabul etmää hem kendi universitetinin hem regionunun geleceeni birliktä kurmaa üürenêr.
