2026-cı yılın sentäbri ayın 24-dä Komrat Devlet Universitetini, Moldova Respublikasını tanıma ziyareti çerçevesindä, bir grup yabancı student ziyaret etti.
Grupa Düsseldorf Universitetindän (Germaniya) Günduusu Evropa istoriyası hem politika ekonomiyası kafedrasından 16 student hem da Çernovtsı Milli Universitetindän (Ukrayna) 6 student katıldı.
Universitettä KDU’nun administrațiyasının hem profesor-didaktik personalının temsilcilerinnän buluşma oldu. Musafirlär universitetin istoriyasınnan hem büünkü günündäki ilerlemesinnän, onun üüretim yönnerindän, halklararası işbirliindän hem üüretim proțesinin özelliklerindän tanıştılar.
Katılımcılarda Komrat Devlet Universiteti için Moldova Respublikasının güneyindä öndä gelen üüksek üüretim kurumu olarak, onun region için spețialist hazırlamakta rolü, hem da Gagauziyanın kultura hem toplum ortamının özellikleri için informațiya büük merak uyandırdı.
Buluşma boyunca studentlerin soruş sormaa, fikir paylaşmaa hem halklararası akademik işbirlii imkannarı için taa çok üürenmää kolaylıı oldu. Musafirlär için universitet boyunca tanıtma gezisi dä düzendi, onda onnar KDU’nun üüretim hem spețializirovannıy odalarını gezdilär.
Ziyaret, Konrad Adenauer Fondunun Moldova Respublikasındakı Temsilciliinin yardımınnan gerçekleşti.
Bölä buluşmalar Komrat Devlet Universitetinin halklararası baalantılarının genişlemesinä, dışarıdakı partnerlärlän akademik kontaktların pekidilmesinä hem gelecektäki işbirlii için eni imkannarın kurulmasına yardımcı olêr.
Komrat Devlet Universiteti, Konrad Adenauer Fonduna hem ziyaretin bütün katılımcılarına universitetä hem regiona gösterdikleri merak için teşekkür eder.
