Komrat Devlet Universitetin Agrar-tehnologiya fakultetinin AIM-24 hem AIM-25 grupalarının studentları ekmek tehnologiyası tanışmak praktikası çerçivesindä Komrat kasabasında bulunan „Milina” ekmek predpriyatesini gezdilär.
Gezi sırasında studentlar predpriyatedä üretim proțesinin organizațiyasını, ekmek hem çörek işlärinin yapılmasının temel tehnologiya etaptarını, kullanılan avadanı, çiy malın hem hazır produktun saklama şartlarını tanıdılar.
Ayırı bir dikkat tehnologiya operațiyalarının sırasına — çiy malın hazırlanmasına, hamurun karmasına, formalamasına, dinmesinä hem pişirilmesinä, hem da produktun kalite hem güvenlik kontrolu soruşlarına — verildi. Studentlar üretim avadanının işlemesini doorudan çalışan predpriyate şartlarında görmää kolaylıı buldular hem ayırı üretim bölümnerinin iş organizațiyası hem işbirlii hakında annama kazandılar.
Bölä praktika dersläri teoriya bilgilerini pekitmää, imek industriyası predpriyatelerinin real çalışma şartlarını tanımaa hem imek produktlarının üretimi hem işlenmesi alanındakı spețialistlerin profesional işlerini daha ii annamaa kolaylık verer.
„Milina” predpriyatesinin administrațiyasına hem zaametçilerinä üretimi gezmää kolaylık, derin mazmunlu gezi, studentlara dikkat hem profesional tecrübeyi paylaşmaa hazırlık için teşekkür ederiz.
Predpriyateyi ziyaret etmää studentların praktika hazırlanmasının önemli bir payı oldu hem çağdaş ekmek pişirmä tehnologiyalarının daha derin annamasına yardımcı oldu.
