Kasım 2-da 2025-inci yılda KDU studentleri doktor konferenar Kurteva O.V. önetimi altında P.Kazmalı adına gimnaziyayı ziaret ettilär “İnteraktiv üüretmäk hem resurslara erişim için dijital tehnologilerın integrațiyası” adlı pedagogika atelyedä katıldı.
Gimnaziyanın üüredicileri üüretim proțesindä dijital araçların zamandaş kullanım öntemnerini gösterän açık dersleri hazırladılar. Türlü üüretmäk basamakta matematika, muzıka terbietmesi, dünnä bilgisi, istoriya, romen dili hem ingiliz dili açık dersleri gerçekleştirildi. Herbir urok, dijital tehnologiyaların üürencilerin motivațiyasını üüseltmää, baamsızlıklarını, aaraştırma becermeklerini hem kritika düşünmekleri becermeklerini ilerletmää nasıl yardımcı olduunu gösterän bir örnek oldu.
Katılımcıların özel dikatını A.S. Hițük hem T.G.Velkova üüredicilerin master-klasları çekti.
Üüredicilär, özel üüretmäk ihtiaçlarınnan üürencilärlän çalışmak için pratika metodikalarınnan paylaştılar, okulda art-terapiyasının olanaklarını gösterdiler hem “aylä-okul” arasında bir ortaklıın önemniini açıkadılar.
Açık derslerdä uşak başçalarından üüredicileri hem ana-bobaları da katıldı. Studentlär dä açık derslerinin analizindä aktiv pay aldılar.
Fakultetin herbir kafedrasından studentlär gimnaziyaya didaktika hem video materialları baaşladı. Bundan kaarä Komrat Devlet Universitetinin hem P.Kazmalı adına gimnaziyanın arasında İş birlii annaşması imzalandı.
P.Kazmalı adına gimnaziyanın müdürü Räbaya Diana Nikolaevnayı davet için hem studentlerin pedagogika proținä aktiv olarak katılma fırsatı verdikleri için teşekkür ederiz!
