Корпоративная почта КГУИнновационный Инкубатор  Moodle KDU Центр непрерывного образования    
GAG
Cuma, 25 Eylül 2026 17:01

Linguata yabancı dil okulu Komrat Devlet Universitetindä eni filial açêr

2026-cı yılın oktäbri ayın 1-dän başlayarak, Linguata Yabancı Dil Okulu Gagauziya Avtonom Territorial Bölgesindä işini genişleder hem Komrat Devlet Universitetinin içindä eni filial açar.

Filialın açılması, Komrat Devlet Universiteti hem Linguata Yabancı Dil Okulu arasındakı işbirlii hem ortaklık annaşmasına görä olêr. Eni merkez, Komrat kasabasının hem bütün regionun yaşayannarına yabancı dilleri modern hem ulaşılabilir akademik ortamda üürenmäk kolaylıı verecek.

Bu yıl Linguata 30-cu iş yıldönümünü kutlêêr. 1996-cı yılda kurulan okul, uşaklar, gençler hem büükler için yabancı dil üüretmäk işindä büük tecrübe topladı. Üç onyıllık boyunca kurum, üürenmäk programnarını hem üüretmäk metodlarını sürekli ilerletti, üüretim sürecinin kalitetinä hem pedagog kadroların profesional hazırlanmasına özellikli dikkat ayırdı.

2017-ci yıldan beeri Linguata Cambridge imtamennarına hazırlık merkezi olarak işlär, 2021-ci yılda isä kurum ANACEC tarafından akredite edildi.

Komrat Devlet Universitetindäki eni filialda aşaa dakı kurslar düzennenecek:

İngiliz dili • Nemţ dili • Franţuz dili • İtaliyan dili

Programnar uşaklar, gençler hem büükler için, üürenmäk isä iki formatda var:

  • oflayn — Komrat Devlet Universitetinin içindä;
  • onlayn — Gagauziya Avtonom Territorial Bölgesinin bütün erleşim erleri hem Taraclia rayonu için.

Komrat filialının açılmasınnan beeri Linguata Moldova Respublikasının 8 kasabasında varlıını genişleder, yabancı dil üürenmäk için modern programnara ulaşımı sürekli olarak teklif eder.

Komrat Devlet Universiteti ilän ortaklık, regionun üüretim imkannarının ilerlemesindä eni bir adım, hem Gagauziya Avtonom Territorial Bölgesi hem Taraclia rayonu uşaklarının, gençlerinin hem büüklerinin lingvistik kompetenţiyalarının kurulmasına hem ilerletmesinä pay koyacek.

Oktäbri ayın 1-dän beeri Linguata sizi Komrat Devlet Universitetindä beklêr!

Okulun programnarı hem işi hakında taa çok bilgi ofiţial saytta var: www.linguata.md

КГУ в цифрах

Обновлено 16.10.2025
0
Всего студентов
0
Международные студенты
0
Программы
0
Проекты
0
Академический персонал
0
Административный персонал

Created jtemplate.ru joomla modules