Moldova Respublikasında Bolgariya Respublikasının Elçilii, 2027 yılında başlanacek proektler için, resmi gelişmäk yardım programası çerçevesindä grant konkursunu bildirdi.

Programanın öncelikli sferaları: kaliteli hem inklüziv üüretim, mediţina, ii yönetim hem sivil toplum, Evropa integraţiyası için administrativ hem instituţional kapasitelerin kuvetlendirilmesi. Konkursa üüretim, mediţina hem soţial kurumlar, erli yönetim organnarı hem konkursun koşullarına uyan başka kurumlar katılabilir.

Proektin en az büceti 10 000 evro. Tavsiye edilen en büük sumalar: mallar hem izmetlär için 75 000 evro, tamir hem yapı işleri için 150 000 evro, üüretim etkinlikleri hem başka material olmayan komponentlär için 15 000 evro. Kendi finans katkısı üstünnük sayılêr. Bir isteyici sade bir proekt verebilir.

İsteyişleri vermää resmi son gün — 1 dekabri 2026 yılı. Angliya dilindä, Bolgariya dilindä yada ikisindä doldurulmuş dokumentlär This email address is being protected from spambots. You need JavaScript enabled to view it. adresinä gönderilmeli. İsteyiş, gerekli eklerinnän, Word hem PDF formatlarında verilmeli; kaat kopyası istenmeer.

Proektin başlaması en geç 1 iyün 2027 yılına planlanmalı. Tam koşulları hem formaları Elçiliin resmi bildirisindä kontrol etmäk lääzım.