İyunun 11-i saat 14.30da Türkiyenin Uşak Universiteti tarafından teklif edilӓn ‘Gagauz Türkleri: Dil ve Kültür’ adlı bir seminar geçirildi. Seminara Komrat Devlet Universitetinin hem Uşak Universitetinin rektorları da katıldı. Seminarın neeti Türkiyӓ gençlerinӓ Gagauzları hem onnarın kulturasını tanıtmaktı. Seminarda, temaylan baalı Gagauz filologiyası hem İstoriyası kafedrasının, Türk Dili ve Edebiyatı departamenti üüretmeni Dr. Güllü Karanfil gagauzların kısa geçmişi için, Gagauz dilinin başka Türk Dillerinin arasındakı yeri için, kulturası hem büükü durumu için annattı. Video cannı olarak feysbuk sayfasında da yayınnandı. Rektorların kısa selӓmnaşmasından sora, universitetlӓr için kısa bilgi verdiktӓn sora iki universitet arasında işbirliin yapılması teklif edildi. Kısa zamanda bir annaşma imzalanacaktır.