Oktäbrinin 17, 2024 yılında Komrat Devlet Universitetindä (KDU) "Keskin Soluk-Virus Infekțiyaları Profilaktikası" temasında bir lekțiya geçti. Seminarı, Komrat Saalık Merkezi Müdürü, üüsek uurda doktor I. M. Todorova gerçirdi. Etkinnik, universitettän 30 üürenici hem çalışanı bir araya getirdi. Seminar sırasında Saygılı I.M. Todorova, keskin soluk-virus infekțiyaları profilaktikasının en etkili yöntemleri için detaylı bilgiler verdi hem Moldova vatandaşlarının mevsimsel grip aşısına özellikle dikkat çekti. Aşılamanın, infekțiyaların güz-kış dönemindä yayılma riskinin arttıı durumlarda nekadar önemli olduu vurgulandı hem aşının, büük saalık sorunların olabilecek keskin soluk hastalıklarına karşı korumanın en güvenilir yollarından biri olduu belirtildi. Seminarın sonunda katılımcılara KDU Saalık Merkezindä aşı olma olanaa saalandı. Komrat Devlet Universitesindän beş çalışan bu tekliftän yararlanarak mevsimsel grip aşısı oldu. Halk seminarı, üürenicilär hem çalışannar arasında büük ilgi uyandırarak, infekțiya hastalıklarını önleme konusunda bilgilerini artırdı hem saalıklı bir yaşam biçiminä baalılıklarını kaavileştirdi. Bu tür halk seminarlarının, KDU'dakı üürenicileri, çalışannarı hem okutmannarın uzman doktorların nasaatlarına uymaya, saalıklarına özen göstermeye hem saalıklı bir yaşam biçimi sürdürmeye motive etmesi önemlidir. KDU yönetimi, Komrat Sağlık Merkezi'nin düzenledii halk seminarı için şükür eder hem saalık hizmetlerinin kalitesinin artırılması hem bölgemiz insannarının saalıının iyileştirilmesi yolunda daha çok verimli iş birlii beklemektedir. Ortak girişimler hem projeler, deneyim alışverişi yapma hem saalık alanında eni yaklaşımlar uygulama olanaa saalayacak da böylece vatandaşlarımızın saalıına katkıda bulunacaktır.
