DAAD bursları için başurular açıldı
14 Oktäbri 2024, 2025-2026 üüretim yılı için Almanya Akademik Diişim Servisi (DAAD) burs başuruları kapsamında OnSET Almanca dil testi online olarak gerçekleştirilecek.
Evropa Dilleri Ortak Çerçevä Programı (CEFR) görä Almanca dil uuru belirlenecek da test sonuçlarına görä halklararası onSET sertifikatı (elektronik formatta) verilecek.
onSET sertifikatı (uygun dil uuruna baalı olarak) aşaadakı burs programalarına katılma kolaylıı verer:
- Almanya universitetlerindä yaz dil kursları bursu (3-4 hafta);
- Bütün bilim dallarından masterat üürenicileri için burslar;
- Araştırma bursları – kısa dönem bursları (1-6 ay arası);
- Araştırma bursları – yıllık burslar (7-10 ay arası);
- Araştırma bursları – Almanya hem Moldova'da doktora üürenimi hem diploma koruması bursları ("Sandwich");
- Universitet okutmannarı hem bilim insannarı için araştırma stajları.
Her programanın ayrıntılı açıklaması, başuru kuralları hem süreleri bu sitede yer almakta: www.daad.de
Danışmannık için DAAD okutmanı Dr. Josef Sallanz:
Ion Creangă Devlet Pedagogika Universiteti
Yabancı Dillär hem Yabancı Literatura Fakulteti
Alman Filologiyası Bölümü
Ion Creangă sk. 1, Blok 1, 8. kat, Oda 713
2069 Kişinev
Tel: 022 240 749
This email address is being protected from spambots. You need JavaScript enabled to view it.
Facebook: @daad.moldova
Danışmannık saatları – Salı günneri, 10:00 - 13:00 arası.
DİKAT!
Test 14.11.2024, saat 13:00 yapılacak (yeni bina, oda 303).
Test katılımı için 01.11.2024 kadar bu adrestän kayıt olmaa lääzım: This email address is being protected from spambots. You need JavaScript enabled to view it. yada bu nomeri arayın: 0(298)2-76-38.
Test kayıdı için taa çok bilgi danışman tarafından yollanacak.
Test formatına hazırlanmaa deyni örnek bir test kullanabilirsiniz.
Katılmanızı bekleeriz!
